Túrki akademııasy, Atatúrik atyndaǵy Mádenıet, til jáne tarıh joǵarǵy mekemesine qarasty Túrik tarıhy qoǵamy, sonymen qatar Qyrǵyz Respýblıkasynyń Bilim jáne ǵylym mınıstrligi birlesip uıymdastyrǵan alqaly jıyn túrki memlekettiliginiń tarıhyn zertteýdi yntalandyrýǵa, sondaı-aq osy saladaǵy ǵylymı yntymaqtastyqty nyǵaıtýǵa baǵyttaldy.
Kongresste ejelgi zamannan qazirgi dáýirge deıingi kezeńdi hronologııalyq turǵydan qamtıtyn túrki memleketteriniń tarıhyna qatysty máseleler qaraldy. Kongress jumysy tarıh jáne pánaralyq ǵylym salasyndaǵy mamandardyń belsendi ózara is-qımylyn qamtamasyz etýge, salalyq merzimdi basylymdarda materıaldar jarııalaýdy jandandyrýdy kózdeıdi. Sondaı-aq Eýrazııa tarıhy men arheologııasyna qatysty kóptegen máselelerdi qamtıtyn monografııalyq jumystardyń serııalyq basylymdaryn shyǵarý da Kongress maqsattarynyń biri bolyp tabylady.
Oflaın jáne onlaın formatta ótken basqosýǵa Ázerbaıjan, Qazaqstan, Qyrǵyzstan, Túrkııa, О́zbekstan, Mońǵolııa, Reseı Federasııasy, Bolgarııa, Ýkraına jáne basqa elderden 50-den astam túrkolog-ǵalymdar, sonyń ishinde Azııa, Eýropa jáne Amerıka zertteý ortalyqtarynyń qyzmetkerleri, zııaly qaýym ókilderi, dıplomatııalyq korpýstyń jáne halyqaralyq uıymdardyń delegattary, sondaı-aq TMU-ǵa múshe elderdiń gýmanıtarlyq ǵylymdar salasyna jaýapty qurylymdarynyń sarapshylary qatysty.
Kongresstiń saltanatty ashylýynda Túrki Akademııasynyń prezıdenti Shaın Mustafaev, Qyrǵyz Respýblıkasy Prezıdentiniń keńesshisi Aslan Qoıchıev, Atatúrik atyndaǵy Mádenıet, til jáne tarıh jónindegi joǵarǵy mekemesiniń prezıdenti Derıa Ors, Túrki memleketteri uıymy aqsaqaldar keńesiniń múshesi, Ázerbaıjan Respýblıkasynyń eks-premer-mınıstri, eks-syrtqy ister mınıstri Gasan Gasanov, Qyrǵyz Respýblıkasynyń Bilim jáne ǵylym mınıstri Qanybek Imanalıev, Túrik Tarıhı qoǵamynyń prezıdenti Iýksel О́zgen, Túrkııa Respýblıkasynyń Qyrǵyz Respýblıkasyndaǵy Tótenshe jáne О́kiletti elshisi Ahmet Sadyk Dogan, Ázerbaıjan Respýblıkasynyń Qyrǵyz Respýblıkasyndaǵy Tótenshe jáne О́kiletti elshisi Latıf Gandılov quttyqtaý sóz sóıledi.
Kongress basynda Qyrǵyz Respýblıkasy Prezıdentiniń keńesshisi Aslan Qoıchıev Qyrǵyz Respýblıkasynyń Prezıdenti Sadyr Japarovtyń jıynǵa qatysýshylarǵa arnaǵan quttyqtaý hatyn oqyp berdi.
Akademııa basshysy Sh.Mustafaev óziniń quttyqtaý sózinde Kongress qonaqtaryna qatysqany úshin rızashylyǵyn bildirip, jıyn jumysyna sáttilik tiledi.
Kongress aıasynda Túrki Akademııasy qazaq tilinde daıyndaǵan belgili túrik tarıhshysy Afet Inannyń «Kemal Atatúrikti eske alǵanda» kitabynyń tusaýkeseri ótti.
Kitapta túrik halqynyń zııaly qaýymynyń kórnekti ókili Afet Inan hanymnyń túrki áleminiń uly qaıratkeri, Túrik Respýblıkasynyń negizin qalaýshy Mustafa Kemal Atatúrik týraly estelikteri men oılary jınaqtalǵan. Aıta ketý kerek, kitapty Akademııa tuńǵysh ret qazaq tiline aýdaryp jaryqqa shyǵarya otyr.
Kongresstiń ashylý saltanaty sessııalyq otyrysqa jalǵasyp, onda «Kóshpeli qoǵamdardyń áleýmettik jáne saıası ınstıtýttary evolıýsııasynyń hronologııasy men keńistiktik-geografııalyq ózgergishtigi: Taıpalyq odaqtardan kóshpeli ımperııalarǵa deıin», «Ortalyq Azııadaǵy túrikterdiń etnıkalyq tamyry jáne olardyń erekshelikteriniń qalyptastýy», «Eýrazııa dalasyndaǵy mańyzdy saıası birlestikter qurýdyń tarıhı alǵysharttary», «Túrki memleketterindegi saıası júıelerdiń damýy», «Túrki memleketteriniń bılik ınstıtýttary men dinı qurylymy alǵashqy qaǵandyqtardan bastap sońǵy ortaǵasyrlyq ımperııalarǵa deıin», «Túrki memleketteriniń tarıhyndaǵy qurlyqaralyq saýda joldary», «Eýrazııa ımperııalaryndaǵy qalalar men ýrbanızasııa», «Túrki memleketteriniń Eýrazııa halyqtarynda memlekettilik dástúrlerin qalyptastyrýdaǵy róli» jáne basqa da taqyryptar talqylandy.
Seksııalyq otyrystarda belgili ǵalymdar men sarapshylar óz zertteýleriniń taqyryptary boıynsha baıandamalar jasady.
Kongress qorytyndysy boıynsha qatysýshylar túrki memlekettiliginiń tarıhyn zertteýdegi negizgi baǵyttar boıynsha birqatar mańyzdy sheshimder boıynsha kelisimge kelip, qorytyndy qarar qabyldady.
