Qordyń óńirge kómegi

Qor basshysy buǵan deıin de óńirge at basyn tirep, jańa oblysqa qor tarapynan qandaı kómek kórsetý kerek ekenin pysyqtap ketken edi. Endi mine ekinshi márte kelgen sapary barysynda ol «Qazaqstan halqyna» qorynyń oblys aýmaǵynda júzege asyrǵan jumystaryna toqtalyp jáne josparlanǵan jobalardy tanystyrdy.

Shynynda da qordyń aımaqqa tıgizip jatqan kómegi kóp. Mysaly, óńir­lik medı­sına­lyq mekemelerdi oftal­mo­lo­gııalyq jab­dyqtarmen qamtamasyz etý aıasynda Jez­qaz­ǵan qalasynyń kóp­salaly aýrýha­nasyna jalpy somasy 4 mln teńgege dıagnos­tı­kalyq lın­zalar men oftalmoskoptar satyp alyn­ǵan edi. Endi aldaǵy ýaqytta balalar neı­rohırýrgııalyq qyzmetin damytý maq­sa­tynda Oblystyq kópbeıindi aýrýhanasyna 32 mln teńge mólsherinde zamanaýı medısınalyq qural-jabdyqtar jetkizilmek.

Halyqtyń belgili bir bóligin áleý­met­tik qoldaý turǵysynda da qordyń já­r­demin sezinip jatqan jandar jet­ki­likti. Aıtalyq, osyǵan deıin qor qara­ja­tyna quny 17,2 mln teńge turatyn 3 ın­novasııalyq protez berilgen edi. Aldaǵy ýaqytta qor oblysta Jezqazǵan qalasynyń «Qarlyǵash» somatıkalyq sana­torıiniń jáne Jańaarqa aýdanynyń or­talyq aýdandyq aýrýhanasynyń ne­­gi­zin­de 2 ońaltý ortalyǵyn ashyp be­rý­di josparlap otyr. Mundaı kómek oblystaǵy densaýlyq saqtaý másele­le­rine qatysty túıinderdi birshama tar­qa­ta­tyny sózsiz.

Qordyń kómegi arqyly Ulytaý oblysynda 8 mektepte jalpy somasy 28,8 mln teńgege robototehnıka kabınetteri ashy­lyp, robototehnıkany zerdeleýge arnal­ǵan baǵdarlamalyq-apparattyq keshenmen jabdyqtaldy. Mektepterge kómek kórsetýdiń ekinshi kezeńinde «Bo­la­shaq ınjenerler monoqalalarda» baǵ­dar­lamasy boıynsha 45 mln teńgege 10 mektep jabdyqtalady.

Halyqtyń áleýmettik osal topta­ry­nyń stýdentterine aıtarlyqtaı qoldaý kórse­tildi. О́.A.Baıqońyrov atyndaǵy Jezqazǵan ýnı­versıtetiniń 19 stýdenti qordyń bilim berý grantynyń ıegeri atanǵan.

– Biz qordyń múmkindigin Ulytaý obly­syndaǵy ózekti máselelerge baǵyt­taý arqyly aımaqtyń damýyna óz úlesi­miz­di qosýdy maqsat etip otyrmyz. De­mek, oblys pen «Qa­zaqstan halqyna» qory arasyndaǵy baılanys nyǵaıa tú­se­di, – dedi Bolat Bıdahmetuly.

Ulytaý oblysy