Kollajdy jasaǵan – Qonysbaı ShEJIMBAI, «EQ»
Qarjy naryǵyn retteý jáne damytý agenttiginiń tóraǵasy Mádına Ábilqasymova forým kepildik berý jáne tutastaı alǵanda saqtandyrýdy damytý máseleleri boıynsha tájirıbe almasýǵa biregeı múmkindik bergenin atap ótti. «Mundaı halyqaralyq deńgeıdegi is-sharany ótkizý saqtandyrý arqyly qorǵaý jáne saqtandyrý bıznesine degen senimdilikti arttyrý máseleleriniń ózektiligin kórsetedi», dep atap ótti Agenttik Tóraǵasy.
Qarjy retteýshisiniń basshysy forým qatysýshylarymen otandyq saqtandyrý naryǵynyń keıbir jetistikterimen bólisti.
«2022 jyly Saqtandyrý naryǵyn damytý máseleleri jónindegi zań qabyldandy. Onda sektor úshin mańyzdy jańalyqtar kózdelgen. Jańa áleýmettik turǵydan baǵdarlanǵan ónimder engizildi, saqtandyrý salasyn odan ári sıfrlandyrý úshin quqyqtyq baza quryldy. Sondaı-aq saqtandyrý qyzmetterin tutynýshylardyń quqyqtaryn qorǵaý júıesi jáne kóp dárejede saqtandyrý tólemderine kepildik berý júıesi reformalandy», dedi M.Ábilqasymova.
Saqtandyrý naryǵyn damytý máseleleri jónindegi zańmen qorǵa qarjy uıymy mártebesi berildi jáne onyń májbúrlep taratylatyn saqtandyrý uıymdary klıentteriniń quqyqtaryn qorǵaýdy qamtamasyz etýdegi róli tujyrymdamalyq túrde qaıta qaraldy.
Zańmen qor kepildikteri saqtandyrýdyń 10 synybyna, onyń ishinde barlyq mindetti saqtandyrý synybyna (8), memlekettik bilim berý jınaqtaý júıesi sheńberinde ómirdi saqtandyrýǵa jáne zeınetaqy annýıtettik saqtandyrýǵa qoldanylady.
Tolyq kepildik berý júıesine kóshý tetigi quryldy. Bul qordyń ýákiletti organy saqtandyrý uıymyn lısenzııasynan aıyrǵan sátten bastap kepildik tólemderin júzege asyrýyn kózdeıdi. Taratylatyn saqtandyrý uıymynyń saqtandyrýdyń kepildik berilgen synyptary boıynsha saqtandyrý portfeli qordyń kepildik berý rezervteri esebinen jańa saqtandyrýshyǵa beriledi.
«Jınaqtalǵan kepildendirý rezervterin eseptegende, qordyń kepildik berilgen tólemder boıynsha tabysty tájirıbesi agenttikke eń úzdik halyqaralyq tájirıbeni eskere otyryp, Qazaqstannyń kepildik berý júıesin jetildirýge múmkindik berdi», dedi M.Ábilqasymova.
Agenttik tóraǵasy mundaı mańyzdy is-sharany ótkizý bolashaqta halyqaralyq baılanystardy nyǵaıtýǵa múmkindik beretin jáne Qazaqstannyń saqtandyrý naryǵyn damytýdyń jańa baǵytyn beretin jyl saıynǵy jaqsy dástúrge aınalýy múmkin ekenin atap ótti.
