Aýa raıy • 18 Qyrkúıek, 2023

Qazaqstanda 1 gradýsqa deıin aıaz bolady

641 ret kórsetildi

Sınoptıkter 19-21 qyrkúıekke arnalǵan aýa raıy boljamyn usyndy, dep habarlaıdy Egemen.kz.

Qazaqstanda 1 gradýsqa deıin aıaz bolady

Foto: ashyq derekkóz

«Qazgıdromet» RMK málimetinshe, aldaǵy kúnderi respýblıkanyń basym bóliginde turaqsyz aýa raıy saqtalady.

Sınoptıkterdiń boljaýynsha, elimizdiń ońtústik-shyǵysyndaǵy taýly aımaqtarda naızaǵaı oınap, burshaq jaýady, sondaı-aq jańbyr men kóktaıǵaq kútiledi.

«20-21 qyrkúıekte batys antısıklonynyń ekpini Qazaqstannyń batysy men soltústik-batysyna jaýyn-shashynsyz ashyq aýa raıyn ákeledi, túnde jáne tańerteń respýblıkanyń batysynda, soltústiginde jáne ortalyǵynda tuman túsedi», dep habarlady «Qazgıdromet» RMK.

Respýblıkanyń batys oblystarynda aýa temperatýrasy túnde 5-18 gradýs jyly, kúndiz 18-28 gradýstan 20-31 gradýsqa deıin kóteriledi.

Respýblıkanyń soltústik-batysynda jáne soltústiginde aýa temperatýrasy túnde 3-11 gradýsqa deıin tómendeıdi, kúndiz 13-25 gradýsqa deıin kóteriledi, sondaı-aq topyraq betinde 1 gradýs aıaz túsedi.  

Ortalyqta túnde 2-10 gradýsqa deıin tómendeıdi, kúndiz negizgi fon 13-21 gradýs jyly bolady, Shyǵysta túnde 3-11 gradýs, kúndiz aýa temperatýrasy 10-18 gradýs jylyny kórsetip tur. Ońtústikte jáne ońtústik-shyǵysta aýa temperatýrasy túnde 8-13 gradýs, taýly aımaqtarda 2-3 gradýs aıaz, kúndiz 15-25 gradýs, taýly aımaqtarda 5-10 gradýsqa deıin tómendeıdi.