Mýzykant jol boıynda júrgizýshilerge jol kórsetetin 400-den astam sóz tirkesin óz daýsymen jazǵan.
«Saparǵa shyqqan júrgizýshiler eń aldymen «joldardy biriktirýdi» jáne «tabysqa jeteleıtin joldy» jalǵastyrý kerektigin estıdi. Aralyq núktege jetken kezde «jıynnyń jartysy artta qaldy» deıdi Imanbek. Alda jol jumystary bar bolsa da navıgator eskertip turady. Al jolda kameralarǵa túsip qalǵan kezde bul «paparassı» dep ázildeıdi», dep jazdy basylym.
Mýzykanttyń daýysyn Yandex Maps qoldanbasynda qosý úshin qoldanba profıline ótip, «Parametrler» tarmaǵynda «Dybystar men eskertýler» tarmaǵyn ashyp, «Daýys» bóliminde Imanbekti tańdaý kerek.
