«Qazgıdromet» RMK málimeti boıynsha, aldaǵy táýlikterde respýblıkanyń soltústiginde, shyǵysynda, ońtústiginde, ońtústik-shyǵysynda turaqsyz aýa raıy saqtalady. Respýblıkanyń ońtústik-shyǵysyndaǵy taýly aımaqtarda jańbyr men qar jaýady dep boljanyp otyr.
«21 qyrkúıekte ońtústikte, 21 jáne 23 qyrkúıekte shyǵysta, 21-22 qyrkúıekte respýblıkanyń ońtústik-shyǵysynda qatty jańbyr jaýady, ońtústik-shyǵystyń taýly aımaqtarynda qatty jaýyn-shashyn kútiledi. Tek batysta jáne soltústik-batysta jaýyn-shashynsyz aýa raıy kútiledi. Elimizdiń soltústiginde, soltústik-batysynda jáne ortalyǵynda topyraq betinde úsik júredi», delingen habarlamada.
Boljam boıynsha, respýblıkanyń batys oblystarynda aýa temperatýrasy kúndiz +24+30°S, respýblıkanyń soltústik-batysynda +15+27°S deıin kóteriledi, respýblıkanyń soltústiginde +10+16°S deıin, ortalyqta +10+23°S, shyǵysta +10+15°S deıin, ońtústikte +20+28°S, ońtústik-shyǵysta +12+22°S, taýly aımaqtarda +2+10°S deıin tómendeıdi.
