Silkroad Innovation Hub - Ortalyq Eýrazııany Kremnıı alqabyndaǵy birtutas aımaq retinde ilgeriletýge, sondaı-aq, IT-kásipkerlik salasyndaǵy yntymaqtastyqqa jáne faýnderlerdiń myqty qaýymdastyǵyn qurýǵa járdemdesýge baǵyttalǵan jeke bastama.
Silkroad Innovation Hub aımaqtaǵy IT-kásipqoılar, kásipkerler jáne ınnovatorlar arasynda jelilik, bilim almasý jáne seriktestikterdi damytýdyń basty platformasy retinde qyzmet etedi.
Habtyń resmı ashylýyna Ortalyq Eýrazııa elderiniń resmı tulǵalary men dıplomattary qatysty.
Is-sharada Qazaqstan Respýblıkasynyń Sıfrlyq damý, ınnovasııalar jáne aeroǵarysh ónerkásibi mınıstri Baǵdat Mýsın sóz sóıledi. Mınıstr óz sózinde hab Ortalyq Azııadan jańa startap jobalardy tartý núktesine aınalatynyn jáne túrki elderiniń sıfrlyq sheshimderdi qoldaný aımaǵyn keńeıtýge baǵyttalǵan kúsh-jigerin biriktiretinin atap ótti.
«Qazaqstan Prezıdenti Qasym-Jomart Kemeluly Toqaev jýyrda Dýshanbede sóılegen sózinde Qazaqstan sıfrlandyrý syndy strategııalyq mańyzdy salada óziniń jaqyn kórshilerimen yntymaqtastyǵyn barynsha nyǵaıtýdy qoldaıtynyn atap ótti. Al búgingi is-shara sózsiz, osy baǵyttaǵy mańyzdy qadamdardyń biri bolyp otyr. Silkroad Innovation Hub jeke brendke aınalatynyna jáne Kremnıı alqabynda óziniń laıyqty ornyn ıelenetinine senimdimin», dep atap ótti mınıstr.
Ashylý saltanatynda TMU Bas hatshysy Kýbanychbek Omýralıev, О́zbekstannyń IT Park-iniń birinshi orynbasary Abdýlahat Kýchkarov, sondaı-aq TMU-ǵa múshe elderdiń sıfrlandyrý mınıstrlikteriniń 10-nan astam ókili men resmı tulǵalar onlaın qatysyp, sóz sóıledi.
Sonymen qatar IT-ındýstrııaǵa qoldaý kórsetý sheńberinde Qazaqstannyń Sıfrlyq damý mınıstrligi Astana-Hab jáne Silkroad innovation hub-pen birlesip, Ortalyq Azııanyń startap-jobalarynyń TechCrunc álemdik kórmesine qatysýyn uıymdastyrdy. Osyndaı joǵary deńgeıdegi forýmda alǵash ret OA IT ındýstrııasyn damytý boıynsha paneldik sessııa ótti.
Kremnıı alqabyndaǵy Silkroad Innovation Hub jobasyn uıymdastyrýshylar Ortalyq Eýrazııa startaptaryn ınnovasııalyq qoǵamdastyqqa qosylýǵa jáne perspektıvaly tehnologııalyq jobalardy qurý jáne damytý úshin usynylǵan múmkindikterdi paıdalanýǵa shaqyrady. Olar óz kúsh-jigerin biriktire otyryp, aldaǵy 5-7 jylda úlken nátıjelerge qol jetkize alady: 5 ıýnıkorn, startaptarǵa $300 mln ınvestısııa jáne óńirden IT-qyzmet eksportyna 1,5 mlrd.
TechCrunch Disrupt 2023 aıasynda «The New Digital Silk Road: From Central Eurasia to Silicon Valley» paneldik sessııasy uıymdastyryldy, onda Qazaqstannyń Sıfrlyq damý, ınnovasııalar jáne aeroǵarysh ónerkásibi vıse-mınıstri Asqar Jambakın, IT Park Uzbekistan atqarýshy dırektory Abdýlahad Kýchkarov, IDDA tóraǵasynyń mindetin atqarýshy Inara Valıeva spıkerler retinde qatysty.
19-21 qyrkúıek aralyǵynda AQSh-tyń San-Fransısko qalasynda (Kalıfornııa shtaty) ótetin eń aýqymdy TechCrunch Disrupt 2023 halyqaralyq konferensııasy arqyly Qazaqstan, Qyrǵyzstan, О́zbekstan, Tájikstan jáne Mońǵolııany qosa alǵanda, Ortalyq Eýrazııa startaptary úshin tarıhtyń jańa paraǵy ashyldy.
TechCrunch Disrupt alańynda Silkroad Innovation Hub ınnovasııalyq ortalyǵy Kremnıı alqabyndaǵy ınvestorlarǵa eksklıýzıvti pavılon usyndy, onda Ortalyq Eýrazııadan kelgen 14 startap ózderin jahandyq arenada tanytýǵa múmkindik aldy. Olardyń ishinde altaýy — qazaqstandyq. Olar — Citix, Cyborgbase, TengriLights, Falcon.ai, Kscooter jáne Rhinotales.
Sondaı-aq TechCrunch Disrupt 2023 sheńberinde ınsýltti avtomattandyrylǵan dıagnostıkalaý úshin jasandy ıntellekt jáne neıroradıologııa salasynda mamandanǵan CerebraAI qazaqstandyq startapy álemdegi eń aýqymdy Startup battlefield 200 startap konkýrsyna qatysady.
О́z aımaqtarynyń aıryqsha áleýeti men alýandyǵyn Mońǵolııa, Qyrǵyzstan, Tájikstan jáne О́zbekstannan kelgen oblako.me, Wiot, Doki, Zypl.ai, MyID, IMAN, Mohirdev jáne Workly syndy startaptar aıqyn kórsetti. Is-sharada usynylǵan startaptardyń basym bóligi — Astana Hub akselerasııalyq baǵdarlamalarynyń túlekteri. Qazirgi tańda olar álemdik naryqtarda óz jobalarynyń aıasyn keńeıtip jatyr.
