Foto: kyiv.comments.ua
Almaty qalalyq qoǵamdyq densaýlyq saqtaý basqarmasynyń málimeti boıynsha, halyqty ımmýndaý úshin tumaýǵa qarsy «Grıppol+» vaksınasynyń 250 myń dozasy satyp alynǵan.
«Grıppol+» ınaktıvasııalanǵan vaksına Reseıde óndirilgen. Atalǵan vaksınanyń quramynda tumaý vırýsynyń A (H1N1 jáne H3N2) jáne V qosalqy tıpiniń shtamdary bar.
«Egýge birinshi kezekte medısına qyzmetkerleri, medısınalyq mekemelerde esepte turǵan balalar, jetim jáne ata-anasynyń qamqorlyǵynsyz qalǵan balalar, júkti áıelder men 60 jastan asqan mosqal adamdar jatady. Negizgi aýrýǵa baılanysty tumaýdyń neǵurlym aýyr túrine beıim adamdar da vaksınasııalanýy kerek», delingen habarlamad
Ekpe egý naýqany qarasha aıynyń sońyna deıin júrgiziledi. Tumaýǵa qarsy ekpeden keıin tolyq ımmýnıtetke jetý úshin eki apta kerek. Sol ýaqyt aralyǵynda tumaý jáne basqa vırýstyq aýrý belgisi bar adamdarmen qarym-qatynasty shekteý qajet.
Dárigerler tumaý asqyný men ólim qaterine baılanysty qaýipti ekenin eske salady. Eger keıbir adam tumaýmen aýyrǵanda, birneshe kún ǵana qınalsa, tumaý nárestege, qart adamǵa jáne ımmýnıteti álsiregen adamǵa juqsa, olarda aýrý qatty asqynyp, tipti ólimge ákelýi múmkin.
