Shıkizat óndirýdegi keleli usynys

Elimiz tabıǵı resýrstarǵa erekshe baı jáne zerttelmeı jatqan jer resýrstary da je­ter­lik. Memleket basshysynyń Joldaýynda qamtylǵan másele­­niń kóbi ózekti, onyń ishinde únemi qaltarysta qalyp sheshimin tappaı júrgen problemalar­dyń kún tártibine qoıylýy bizdi bir serpiltip tastady. Ol – shı­kizattyq óndiris. Biz uzaq ýaqyt boıy ǵylymda zamanǵa saı tehnologııamen jabdyqtaý jaǵynan turalap qaldyq. Sonyń kesirinen shıkizatty óńdeý jáne ony uqsatý isine mán berýdi qoıdyq. Jańa tehnologııany oılap tapqannan góri sol tehnologııany shetelden satyp alǵanǵa boıymyz úırenip ketti. Jalpy, ǵylymda jańalyq ashý úlken izdenisti talap etetini sózsiz. Prezıdent osy ahýalǵa tereń, jan-jaqty taldaý jasaý arqyly salaǵa túbegeıli ózgeris­tiń qajettiligine basa nazar aýdarǵany baıqalady.

Elimizde jańa turpatta oılaý qabileti kúshti ǵalymdar korpýsy bar. Olardyń ashqan ǵy­lymı jańalyqtaryn óndiriske en­gizý, ony tıimdi paıdalaný jaǵyna osy­ǵan deıin bas aýyrtpaı keldik. Onyń damýy qaǵaz júzinde durys sııaq­ty kórindi. Al ol is júzinde kóz­ge kórinbeıtin eles bo­lyp qal­dy. Sonyń kesirinen biz­degi ındýs­trıaldy-ınnovasııalyq jobalar júzege aspaı jatyr. Qanysh Sátbaev atyndaǵy ýnı­ver­sıteti metallýrgııa jáne ken baıytý ınstıtýtynyń ǵalym­dary birneshe jyl boıy zertteý júrgizip, «Qazaqmys» JShS kompanııasy bazasynda qara selen men shlaktan qymbat metall aıyratyn zaýytty iske qostyq. Áıtse de qanshama óndiris oryndary óz jańalyqtaryn júzege asyra almaı otyr. Prezıdent Joldaýynan keıin osy baǵyttyń joly ashylady dep oılaımyn. Aqylǵa salsa, árıne, ǵylymǵa ju­mylý – ózekti shara. Biraq eli­mizdegi iri kompanııalardy neme­se qýatty óndiris orynda­ryn­ ǵylymǵa jumyldyrý úshin bılik tarapynan keshendi shara qabyldansa, ıgi is bolar edi. Sonda ǵana bizdiń otandyq óndi­ri­simizdiń baǵy janyp, mereıimiz arta túsedi.

Ǵylymnyń jetistigin paıdalanbaıtyn sala joq. Ǵylymda utysqa shyǵyp jatatyn kezder de bolady. Ǵylym salasy evo­lıýsııalyq shyrqaý shegine jetken kezde eshteńege tańyrqap qa­raý­ǵa bolmaıtynyn qoǵam dálel­dep bergen. Prezıdenttiń óz Jol­daýynda ken óndirý oryndaryn kóbirek ashyp, tabıǵı resýrsqa baı aımaqtarǵa geologııalyq zertteýler jasaýdy jáne salany tutasymen modernızasııa­laý týraly aıtýy kóńilge qonymdy. Munyń ózi bizge úlken kúsh beredi.

Jańǵyrý – únemi jańashyl­dyq­ty talap etedi. Tabıǵı re­sýrstarymyzǵa jańasha túr berip, jańarý Prezıdent Joldaýynda ken oryndaryn ıgerý isine erekshe nazar aýdarǵanyn kórip otyrmyz. Memleket basshysynyń ha­lyqqa Joldaýyn shıkizat óndirý­degi keleli usynys deýge bolady.

Baǵdáýlet Kenjalıev,

Q.Sátbaev atyndaǵy ulttyq ýnıversıteti metallýrgııa jáne ken baıytý ınstıtýtynyń bas dırektory, Memlekettik syılyqtyń laýreaty