Foto: Beınekadr
Eske salaıyq, meshitte namaz oqylyp jatqan ýaqytta meshit ımamynyń kishkentaı balany uryp jibergeni týraly vıdeo taralyp, qyzý talqyǵa túsken edi.
«Keleńsiz oqıǵadan keıin Eńbekshiqazaq aýdanynyń ákimshilik qyzmetkerleri, Shelek aýylynyń turǵyndary, din qyzmetkerleri, meshit jamaǵaty jáne balanyń ata-anasynyń qatysýymen arnaıy kezdesý ótti. Jıynda ımam qateligin moıyndap, balanyń ata-anasynan, sondaı-aq kópshilikten keshirim surady. Balanyń zańdy ókilderi ımamnyń keshirimin qabyl alyp, eki tarap ózara bitimge keldi», delingen habarlamada.
QMDB atalǵan oqıǵadan tıisti qorytyndy shyǵarǵanyn jáne balany urǵan din qyzmetkerine shara qoldanylǵanyn habarlady. Bas múftıdiń buıryǵymen «Hıdaıat» meshitiniń ımamy jumystan shyǵaryldy.
Vıdeodan sapta turǵan birneshe adamnyń namaz oqyp jatqanyn, arasynda birneshe balany, onyń ishinde bir balanyń árli-berli júgirip júrgenin kórýge bolady. Oǵan kisiler mán bermesten, namaz oqýdy jalǵastyrady. Bir kezde bala ımamǵa jaqyndaǵanda, ol ony betinen uryp jiberedi. Bala sol jerde shalqasynan qulap túsken.
