Bereke bastaýy

Totydaı túrlengen shaǵyn sha­har jyl sanap jandanyp keledi. Jańa shaǵyn aýdandar qo­sylyp, kóz tartar záýlim úıler boı kóterip, jastardyń talabyna saı damyp keledi. Buryn Taldyqorǵandy zeınetkerlerdiń qalasy dep ataıtyn edi, al qazir bul uǵym bara-bara umytylyp bara jatqandaı. Jan-jaqtan bilim izdegen jastar kelip, qala­nyń kelbetin odan ári sándeýde. Jańa óńirdiń tarıhy osylaı jazylyp jatyr. Qazir oblys ortalyǵyna jaqyn aýdandar men aýyldyq okrýgterge birte-birte tabıǵı gaz tartylyp, halyqtyń turmysy túzelip keledi. Sonyń biri – «Úıtas» saıajaıy. Kóbine kópbalaly ata-analar turatyn aýmaqqa kógildir otyn aýa­daı qajet edi. Sebebi turǵyndar qys­ta kóp otyn jaǵatynyn, kó­mir­den tapshylyq tartatynyn aıtyp, ákimdikke talaı ótinish jolda­ǵan. Búgin, mine, maqsatyna jetti. Endi mundaǵy 4200-den astam turǵynnyń nemese 1500-den astam abonenttiń gazǵa qosylýǵa múmkindigi bar.

О́ńir ákimi baspasóz qyzme­tiniń málimetinshe, bul turǵyn alabyn gazdandyrý jobasy 2020 jyly bastalǵan. Oǵan 388 mln teńgeden astam qarjy bólinip, 43 km gaz jelileri salyndy. Qa­zir qala irgesindegi saıajaılardy tolyq gazben qamtamasyz etý jumystary júrip jatyr. Al­daǵy ýaqytta turǵyndar bir­tindep tabıǵı gazǵa tolyq qol jet­kizedi. Osy bir merekeli mezette oblys ákimi Beıbit Isabaev turǵyndardy qýanyshtarymen quttyqtady.

«El Prezıdenti memleket­tik saıasattyń oń nátıjelerin bi­rin­shi kezekte halyq sezinýge tıis ekenin udaıy aıtyp ke­le­di. О́ıtkeni júrgizilip jat­qan reformalardyń bári de áleý­mettik jaǵdaıdy jaqsartýǵa, azamattardyń ál-aýqatyn art­tyrýǵa baǵyttalyp otyr. Halyq­qa eń aldymen sapaly jol, ja­ryq, gaz, mektepter men balabaq­sha­lar, laıyqty jalaqysy bar ju­mys kerek. Sondyqtan biz óńir­diń ınfraqurylymyn damytý­ǵa, eldi mekenderdi, onyń ishinde saıajaı qaýymdastyqtaryn abat­tandyrýǵa erekshe nazar aýdaryp kelemiz.  Budan birneshe jyl buryn bul turǵyn úı mas­sıvine jaryq pen sý tartylyp, kóshe jaryǵy ornatylǵan, endi mine, gaz keldi, joldaryńyz da jóndelip jatyr. Kógildir otyn­men birge úılerińizge jylý uıala­syn. Endi gaz jelisine belsendi qosylasyzdar dep senemin», dedi B.Isabaev.

Sondaı-aq ol bıyl «Jas­tar-2», «Yntymaq» jeke tur­ǵyn alaptaryndaǵy 11,5 myń tur­ǵyn, sondaı-aq Taldyqor­ǵan qalasyndaǵy qalǵan ýchaske­ler­diń 585 turǵyny gazǵa qol jetkizetinin aıtty. Al 2024 jyly Moınaq aýylynda gaz je­lilerin salý jumystaryn aıaq­taý josparlanyp otyr.

«Prezıdent bizdiń oblysqa ótken jylǵy sapary kezinde ber­gen tapsyrmasyna sáıkes 2025 jylǵa deıin Kerbulaq aýda­nynan Taldyqorǵanǵa deıingi eldi mekenderdi tolyq gazdandyrýdy josparlap otyrmyz, al 2030 jylǵa qaraı óńirdi gazdandyrý 100 paıyzǵa jetedi nemese 192 eldi mekendi qamtımyz. Biz óńirdiń ınfraqurylymyn damytý jumystaryn budan ári de  jalǵastyramyz», dedi B.Isabaev.

«Úıtas» saıajaı qaýym­das­tyǵynyń tóraǵasy Lıýdmıla Hadısova turǵyndardyń aty­nan alǵys aıtty. Munan soń saltanatty túrde gaz qosý rásimi atqaryldy. Máselen, «Úıtas» saıajaı alabynyń alǵashqy gaz tutynýshylarynyń biri, alty balany jalǵyz tárbıelep otyr­ǵan kópbalaly ana Ásııa Chýký­basovanyń úıi áleýmettik qol­daý retinde gazǵa tegin qosyl­dy. Bul – qala ákimdiginiń, «Qaz­TransGazAımaq» óndi­ris­tik fılıalynyń, «Jeti­sý­GazServıs» MKK jáne «Taraz­Stroı 2004» JShS mer­di­ger uıymynyń birlesken jumy­synyń nátıjesi.

Turǵyndarmen áńgimelesý barysynda oblys ákimi Beı­bit Isabaev qabyl­daýǵa ár ýaqytta orta eseppen 14-15 adam keletinin, olardyń kótergen máseleleriniń shamamen 80 paıyzy oń sheshiletinin atap ótti. Sonyń ishinde memlekettik qordan turǵyn úı berý máseleleri boıynsha júginetinder de kóp.

«Turǵyn úı máselesi – bi­rin­shi kezektegi másele. Desek te zań­ǵa qaıshy áreket etip, ke­zek­siz turǵyn úı berýge bol­maı­dy. Biraq shuǵyl kómek qa­jet bolatyn kezder bolady, adam­nyń materıaldyq jaǵda­ıy, densaýlyq jaǵdaıy, birqa­tar áleýmettik máseleleri aýyr bolýy múmkin. Sondyqtan biz mun­daı jandar­dyń turǵyn úı jaǵ­daılaryn jaq­sartyp alǵanǵa deıin olar­ǵa bos oryndary bar stý­denttik jataqhanalardan otbasy músheleriniń sanyna qaraı 1-3 bólme bólgen jón dep shesh­tik. Jataqhanalardy kúrdeli jóndeýden ótkizgennen keıin otbasylar úshin bólek kirebe­ris qarastyrylady. Qazir jańa jataqhanalar salý kezinde de osyndaı jaǵdaılardy birden es­kerýdi kózdep otyrmyz. Jalpy, bıyl Taldyqorǵanda jalgerlik turǵyn úıdiń rekordtyq kólemi paıdalanýǵa beriledi. Iаǵnı kezekte turǵan 2 myń adamǵa páter beriledi. Qazir 2009-2010 jyldary kezekte turǵandar ala bastady», dedi B.Isabaev.

Búginde jańa 9-shaǵyn aýdan­da turǵyn úıler qurylysy jú­rip jatyr. Eger jyl saıyn bıyl­ǵydaı 300 myń sharshy metr­den astam turǵyn úıdi iske qosa­tyn bolsa, onda aldaǵy 4-6 jyl­da kezekte turǵandar sany eki esege qysqarmaq. Sonda kezektegi azamattar qazirgideı 10-20 jyldan keıin emes, ári ketse 5-6 jyl ishinde turǵyn úıge qol jet­ki­zetin bolady. Osy maqsatta óńir ishinde tıisti sharalardy qa­byldap jatyr.

Atap ótsek, búginde 8 saıa­jaı massıvin – «Qaratal», «Qy­zyltas», «Mereke», «Balyq­ty», «Sarybulaq», «Almaly», «Ashybulaq», «1-bólimshe» turǵyn alaptaryn gazdandyrý úshin JSQ ázirlenip jatyr. Jobalyq jumystardyń aıaq­talý merzimi – 2024 jylǵy qań­tar-aqpan. Sondaı-aq Jetisý oblysyn tolyq gazdandyrý ju­mys­tary jal­ǵasýda.

Jalpy, qala kúni aıasynda Tal­dy­qorǵan qalasyndaǵy ıppodromda tańerteńnen beri ulttyq at sporty túrlerinen jarystar ótkizdi. Oqýshylar sa­ra­ıynyń janyndaǵy alańda «Kin­der fest» balalar festıvali uıymdastyryldy. Onyń aıasyn­da qala kásiporyndarynyń biri balalarǵa salmaǵy 25 kg 1,5 metrlik tátti tort tartý et­ti. Merekede jańa qonysqa kir­gender de bar. 25 kópbalaly ot­basyna «Bereke» kottedj qala­shy­ǵyndaǵy úılerdiń kiltteri tabystaldy. Al keshke «Jastar» saıa­baǵynda otandyq estrada ánshileriniń qatysýymen kon­serttik baǵdarlama uıym­das­tyrylady.

Jetisý oblysy