2011 jyldan naryqta kele jatqan «KazPlast» JShS – elimizdegi polıpropılennen gofrlengen qubyr men polıetılennen ydys shyǵaratyn qaraǵandylyq kásiporyn. Eki jyldan keıin shildede Qazaqstan Respýblıkasy Úkimeti delegasııasynyń qatysýymen Qaraǵandyda erkin aǵys úshin dánekerlengen polıpropılennen jasalǵan eki qabatty «OPTIMA» gofrlengen qubyrlar shyǵaratyn zaýyt iske qosyldy. Munda káriz, jaýyn jáne drenaj júıeleri, sondaı-aq aýany jeldetýge arnalǵan qubyrlar óndiriledi.
– Zaýyt 2011 jyldan beri Qazaqstan naryǵynda jumys isteıdi. Eki jyldan keıin polıpropılen qubyrlaryn shyǵarý jelisi iske qosyldy. Bıyl taǵy da bir jeli satyp aldyq. Keńeıip jatyrmyz. Buryn qubyrymyz 125-ten 500 dıametrde bolsa, endi 125-ten bastap, 1 200 dıametrge deıin. Sonyń arqasynda elimizdegi ishki suranysty 100 paıyz ıgeremiz dep otyrmyz. Qubyr buryn qoldanysta bolmaǵan shıkizattan ǵana jasalady. Shıkizat Koreıa men Birikken Arab Ámirliginen alynady. О́ıtkeni osy eki memlekette álem boıynsha sapaly shıkizat shyǵaratyn eki iri zaýyt ornalasqan. Mysaly, Reseı nemese Ortalyq Azııa memleketterinde osyǵan uqsas shıkizattar óndiredi, biraq sapalary birshama tómen, – deıdi «KazPlast» JShS dırektory Aleksandar Ivanov.
Zaýyt tek qana qubyr shyǵaryp, shektelmeıdi. 200 lıtrden bastap, 4 500 tekshe syıymdylyqqa deıin polıetılennen jasalǵan ydys shyǵarady. Bul ydysta sút ónimderin tasymaldaıdy. Mysaly, «KazPlast», «Eurasian Foods» kompanııasymen tyǵyz baılanysta. Taza sýdy da saqtaýǵa bolady. Alys aýyl, aýdanǵa nemese qurylys alańdaryna da jetkize alasyz. Sonymen birge munaı ónimderine de paıdalanady. Munymen qosa, zaýyt shyǵaratyn balalar oıyn alańyna arnalǵan keshenderge de suranys artqan. Sońǵy úsh jyldyń ózinde tek qana oblys boıynsha 350 oıyn kesheni jasalǵan. Oıyn alańyna arnalǵan keshender oblysta ǵana emes, basqa aımaqtarǵa da taraýda. Ońtústik oblystar kóp alady, tapsyrys berýshiler sanaty Astanada da barshylyq, keıingi ýaqytta batystan da satyp alýshylar shyǵa bastaǵan. Bul – sapaly dúnıege suranys bar degen sóz.
«Zaýyt tolyq avtomattandyrylǵandyqtan ónimderimiz 100 paıyz sapaly. О́ıtkeni búkil baǵdarlamany kompıýter ózi jasap shyǵarady. Bul – ónimge 50 jylǵa deıin kepildik», degendi aıtty zaýyt basshysy.
Aıta ketelik, osy kompanııamen qatar zamanaýı tehnologııalardy álemde Birikken Arab Ámirlikteri, Germanııa, Italııada ǵana qoldanady.
О́nimderi eksportqa da shyǵady. Zaýyt ónimderiniń 90 paıyzy Qazaqstannyń túpkir-túpkirine jóneltiledi, qalǵany Reseı men Ortalyq Azııa elderine jetkiziledi. Atap ótsek, «BI Group», «BAZIS-A», «Sımvol» syndy iri qurylys kompanııalary, sý kanaldary «Qaraǵandy Sý», «Astana Sý» «KazPlast» ónimderin paıdalanýda. Aleksandar Sergeevıchtiń aıtýynsha, suranys artqan saıyn jyldan-jylǵa ónim kólemin de ulǵaıtyp keledi.
– Jyl saıyn shyqqan ónimdi 20 paıyzǵa kóbeıtemiz. 2021 jyly biz 1 500-1 700 tonna ónim óndirsek, 2022 jyly bul san 2 000 tonnaǵa jetti, osy jyly 2 500 tonna ónimdi josparlap otyrmyz, – deıdi zaýyt basshysy. 5 gektar jeri bar «Saryarqa» ekonomıkalyq aımaǵyndaǵy jańa jelini iske qosqanda buıym túrimen qatar ónimimizdi de arttyra túspekpiz. «Saryarqa» arnaıy ekonomıkalyq aımaǵynda 2021 jyly jańa zaýyt qurylysyn bastadyq, bıyl aıaqtadyq. Aldaǵy ýaqytta Zavodskaıa kóshesinen tolyǵymen sol jaqqa kóshemiz degen oıymyz bar. Jaqynda ekonomıkalyq aımaq jaqtan taǵy da jer ýchaskesin aldyq. Jalpy – 5 gektar jerimiz bar. Bul – óndiristi ulǵaıtý úshin zor múmkindik. Sol jerde joǵary qubyr zaýytyn salýdy da jobalap qoıdyq. Aýmaq jetkilikti bolǵandyqtan basqa da óndiriske qajetti buıym sanyn kóbeıtýdi jalǵastyramyz.
Qaraǵandy oblysy
