Foto: ashyq derekkóz
Jalpy alǵanda kez-kelgen qoǵam, ult ózderiniń rýhanı qundylyqtary men dástúrli senimderinsiz bolmaıdy. Al osy qundylyqtardyń maqsaty ómirsheń, beıbit qoǵam qurý. Adamnyń ar-ojdanyn saqtaı otyryp, tatý-tátti ómir súrý ekeni barshamyzǵa málim. Biraq bilý basqa, bilgenge amal etý basqa demekshi dinaralyq tatýlyq pen kelisim sezi osy qaǵıdattardy júzege asyrýǵa serpin beretin bastama.
Maıqy bı:
«Altaý ala bolsa, aýyzdaǵy ketedi,
Tórteý túgel bolsa, tóbedegi keledi», dep tek bir otbasylyq qarym qatynasqa qatysty ǵana emes, sonymen qatar jer júzine pash etken naqyl sózi barshamyzǵa ónege bolý kerek.
Quran Kárimde de Alla taǵala qaıta-qaıta «Bólinbeńder» dep aıtýy da beker emes. Qazirgi kezde osy bir-aq Jaratýshymyzdyń buıryǵyn elemeı kelemiz. Eger osylaı jalǵasa beretin bolsa, Tóle bı babamyz aıtqandaı, «Birlik bolmaı, tirlik bolmas». Iаǵnı birlik bolmaı, kez-kelgen tirlikke qajetti nársege qol jetkizý múmkin emes. Meıli ol órkenıet bosyn, mádenıet bolsyn, ekanomıkalyq-saıası jetistik bolsyn. Osynyń barshasy tek tatýlyq pen birlik arqyly sheshiletin máseleler. Demek rýhanı kelisim, ulttar men dástúrli dinder arasyndaǵy birlik baǵa jetpes baılyq. Osynaý almaǵaıyp zamanda atalǵan qundylyqtardy saqtap qalý barshamyzdyń mindetimiz. Sol úshin de Álemdik jáne dástúrli din kóshbasshylary sezinde bas qosyp, osy máseleniń sheshý joldaryn qarastyrýy bizge aýadaı qajet. Qaı dinniń ókili bolsyn óz tirshiliginiń turaqtylyǵy men tynyshtyǵyn qoldaı otyryp, Álemdik jáne dástúrli din kóshbasshylary sezine kelip, atsalysady degen oıdamyz.
Álemdik jáne dástúrli din kóshbasshylary sezi qoǵamda tynyshtyqty, ádildik bolýyn, adamzatty soǵan tárbıeleý joldaryn qarastyratyn ıgi bastama. Olaı bolsa, biz taza dinı isterden ózge osyndaı uly murattardy da nysana etýimiz kerek. О́ıtkeni adam balasy qaıyrly da izgi amaldarymen ǵana Jaratýshyǵa jaqyndaıdy. Qasıetti Quranda: «Bir-birlerińe izgi isterde, taqýalyqta kómektesińder. Kúná jasaýǵa, dushpandyqqa járdemshi bolmańdar...» delingen. («Maıda» súresi, 2-aıat).
Alla Taǵala halqymyzdyń birligi men berekesin arttyryp, táýelsizdigimizdi baıandy etkeı! Tilegimiz qabyl, muratymyz asyl bolǵaı!
Naýryz IBATULY,
Ar-Rahman meshitiniń naıb ımamy
