Foto: alataunews.kz
Búgin XV KazEnergy Eýrazııalyq forýmy aıasynda ótken brıfıng barysynda QR Energetıka mınıstri Almasadam Sátqalıev Qazaqstanda benzın baǵasynyń aldaǵy boljamy qolaıly ekenin atap ótti.
«Aldaǵy ýaqytta benzınniń qymbattaýyna esh sebep joq. Aıta ketsem, Qazaqstanda suranys pen tutyný teńgerildi, dızel otynyna qajetti munaı ónimderiniń qory qalyptastyryldy. Elde janarmaı tapshylyǵy boljanyp otyrǵan joq», dep sendirdi Almasadam Satqalıev.
Alaıda mınıstr naryqta belgili bir táýekelder bar ekenin de joqqa shyǵarmady.
«Dese de ımporttyq janarmaı baǵasy qymbattaýy múmkin, bul ishki naryqtaǵy baǵalarǵa proporsıonaldy áser etedi.Qazir biz Qazaqstan Respýblıkasynda óndiriletin ónimderge erekshe nazar aýdaryp otyrmyz», dep qosty A.Satqalıev.
