Foto: informburo.kz
«Tel-Avıvten Almatyǵa josparlanǵan KS650 reısine 138 jolaýshy bılet alǵan, onyń ishinde 37-si Qazaqstan azamaty. 7 otandasymyz Air Astana ınterlaın-seriktes áýekompanııanyń reısine qaıta brondalyp, 19 adam bılet qunyn tolyq qaıtarýdy tańdasa, 3 jolaýshy óz sheshimin áli oılastyrýda. Sondaı-aq áýekompanııa Almaty-Tel-Avıv baǵyty boıynsha oryndalmaı qalǵan KS649 reısindegi sheteldik jolaýshylaryna bıletterdi qaıta brondaýǵa járdem kórsetti. Jolaýshylardyń qalaýyna sáıkes Túrkııa men Grýzııaǵa ushýǵa balama berildi. Air Astana Izraıldegi Qazaqstan elshiligi ashqan WhatsApp chatynda keńes berip, qoldaý kórsetý úshin arnaıy qyzmetkerin taǵaıyndady.
Izraılge hám Izraılden ushýǵa qatysty máseleler boıynsha táýlik boıy qyzmet etetin jedel jeli iske qosyldy: +7 (727) 244 44 78, +7 702 702 0074 (WhatsApp). Áýekompanııa Izraılden ushýǵa nıet bildirgen barlyq otandastardyń oralýyn qamtamasyz etý úshin bar kúshin salyp jatyr», delingen habarlamada. Áýe kompanııasy jolaýshylarǵa qaýipsizdikti qatań saqtap, aqparattardy muqııat qadaǵalap otyrýdy eskertti.
