Qatar Masters Open - álemdegi eń myqty ashyq týrnırlerdiń biri, oǵan tek 2300 nemese odan joǵary reıtıngi bar oıynshylar qatysa alady. Bıyl 44 elden 252 shahmatshy qatysyp jatyr. Qatysýshylar arasynda 60-tan astam grossmeıster bar. 11 qazanda bastalǵan týrnırge grossmeısterler Magnýs Karlsen, Hıkarý Nakamýra jáne basqa da shahmat myqtylary qatysyp jatyr. Týrnırdiń júlde qory 108 250 dollardy quraıdy.
Alǵashqy sensasııalyq jeńistiń avtory pavlodarlyq grossmeıster Álisher Súleımenov boldy. Jerebe anyqtaǵandaı, onyń qarsylasy Magnýs Karlsenniń ózi.
Týrnırge bizdiń quramnan Rınat Jumabaev, Bıbisara Asaýbaeva, Qazybek Nógerbek, Alýa Nurmanova qatysyp jatyr.
Aıta keteıik, 2022 jyly Úndistannyń Chennaı qalasynda ótken Dúnıejúzilik shahmat olımpıadasynda Qazaqstan quramasynyń sapynda óner kórsetti. Týrnırde erler quramasy Qytaıdan kelgen qarsylastarmen kezdesip, 3:1 esebimen jeńiske jetti. Qazybek Nógerbek pen Álisher Súleımenov oıyndaryn jeńispen aıaqtasa, Arystanbek Orazaev pen Murtas Qajǵaleev teń eseppen aıaqtady.
Sondaı-aq Qazaqstan erler quramasy shahmat olımpıadasynyń jetinshi týrynda serpindi jeńiske jetip, bastapqy kestedegi 40-orynnan 7-orynǵa kóterile aldy. Odan keıin Álisher Súleımenov sheshýshi oıynda 200 upaımen ıspandyq qarsylasyn jeńdi.
