Foto: aqorda_resmi
«Qazaqstan men Qytaı halyqtaryn ǵasyrlar boıǵy dostyq qatynastar biriktiredi. Bıyl mamyr aıynda Qytaı teledıdaryna bergen suhbatyńyzda Siz bizdiń elimizde bilim alǵan jáne jumys istegen kezdegi estelikterińizben bólisip, qytaı tilin jetik biletin adam retinde bizdiń aýdıtorııamyzdy baýrap aldyńyz. Men de suhbatty kórdim. Bul elderimiz arasyndaǵy dostyqty nyǵaıtýǵa tyń serpin berdi dep oılaımyn. Sizdiń Tóraǵa Sımen kezdesýińizdiń qorytyndysy boıynsha mańyzdy ýaǵdalastyqtarǵa qol jetkizildi. Olar memleketterimiz arasyndaǵy qarym-qatynastyń jańa «altyn 30 jyldyǵy» kezeńine baǵyt-baǵdar beredi. Qytaı tarapy áriptesterińizben birge joǵary deńgeıde qol jetkizilgen osy ýaǵdalastyqtardy júzege asyrýǵa, ǵasyrlar boıǵy dostyq baılanystar men ózara tıimdi yntymaqtastyqty nyǵaıtýǵa daıyn», dedi Lı Sıan.
Kezdesý barysynda aýyl sharýashylyǵy, ınvestısııa, kólik jáne tranzıt, energetıka, munaı-gaz hımııasy, geologııalyq barlaý, avtokólik qurastyrý, joǵary tehnologııa, sıfrlandyrý salalaryndaǵy ózara yqpaldastyqty nyǵaıtý máseleleri de talqylandy.
Qasym-Jomart Toqaevpen dıdarlasýda Lı Sıan transshekaralyq ózenderdi birlesip paıdalaný jónindegi yntymaqtastyqty jalǵastyrý jaǵy da qamtylǵanyn aıtty.
