Syrt aıdyndaǵy oıyndar serııasyn Reseıdiń Tolıattı qalasynda bastaǵan jerlesterimiz alǵashqy kezdesýinde-aq sátsizdikke ushyrady. QHL-ǵa bıyl ǵana oralǵan jergilikti «Lada» hokkeıshilerimen sheberlik baıqasqan «Barys» oıynshylary qarsylastaryna 2:1 esebimen jol berdi. Tórt myńnan asa jankúıer tamashalaǵan «Lada-Arena» sport keshenindegi tartysty básekeniń esebin birinshi bolyp aıdyn ıeleri ashty. Oıynnyń 6-mınýtynda Ivan Romanov mergendik tanytyp, jergilikti jankúıerlerdiń ystyq yqylasyna bólendi.
Úzilisten keıin de aıdyn ıeleri qarqynyn bir sátke de báseńdetpeı, 33-mınýtta Ostap Safınniń shaıbasynan keıin eseptegi basymdyǵyn 2:0-ge jetkizdi. Aradan tórt mınýt ótkende «Barys» sapynan Pontýs Oberg dál soqqysymen esep aıyrmasyn qysqartqanymen, komandasyn jeńilisten qutqaryp qala almady. Qorytyndy esep – 2:1. Bul – «Barystyń» keıingi úsh oıyndaǵy úshinshi jeńilisi. Bizdiń jigitter kelesi oıynyn búgin Sochıde jergilikti «Cochı» komandasymen ótkizedi.
