Aımaqtar • 24 Qazan, 2023

Mektepterge – avtobýs, qutqarýshylarǵa – tehnıka

240 ret

kórsetildi

1 mın

oqý úshin

Respýblıka kúniniń qarsańynda Ulytaý oblysynyń birqatar mektepteri kópten kútken avtobýstarǵa, qutqarýshylar jańa tehnıkalarǵa qol jetkizip, máz-máıram bolyp qaldy.

Abdolla DASTAN

Mektepterge – avtobýs, qutqarýshylarǵa – tehnıka

Oblys ákimi Berik Ábdiǵalıuly aımaqtaǵy 8 mekteptiń basshylaryna jańa avtobýs kiltterin saltanatty túrde tabys etti.

Jańa avtobýstar Qarajal qalasynyń №1, №30 mektepterine, Jańaarqa aýdanynyń №1 mektep-lıseıine, Ulytaý aýdanynyń №6, №1 tirek-mektepterine, Sátbaev qalasynyń Oqýshylar saraıyna, №3 «Bilim-ınnovasııa» lıseı-ınternatyna jáne Abaı atyndaǵy mamandandyrylǵan mektep-ınternatyna berildi.

«Biz óte qýanyshtymyz. Kelesi jyldyń bıýdjetinen taǵy da 10 avtobýs satyp alýǵa qarjy qarastyrylyp jatyr, – deıdi oblystyq bilim basqarmasynyń basshysy S.Tólekova.

Al ózderiniń tól merekesinde oblys ákiminiń qolynan sý jańa tehnıka alǵan qutqarýshylardyń qýanyshtarynda shek joq.

Jańadan alynǵan toǵyz tehnıkanyń ishinde órt sóndirý avtosısternasy, 32 metr bolatyn 9 qabatty avtosaty, avarııalyq-qutqarý avtomobıli, qutqarý avtokóligi, jedel-jeńil avtokólikteri bar.

Ulytaý oblysy Tótenshe jaǵdaılar departamentiniń bastyǵy E.Baıyrov jańa tehnıkalardy qabyldap turyp: «Qutqarý qyzmetin osy zamanǵy tehıkalarmen jabdyqtaýdyń mańyzy zor. Sondyqtan da, jańa tehnıkalar biz úshin jumysty jeńildetetin, biraq jaýapkershilikti arttyra túsetin mańyzdy syılyq», dedi.

Ulytaý oblysy