foto: ashyq derekkóz
«Osydan týra bir jyl buryn men aýqymdy saılaý kezeńi bastalatynyn aıtqan edim. Qysqa merzim ishinde Prezıdent, Senat pen Májilis, barlyq deńgeıdegi máslıhattar saılaýy kezeń-kezeńimen ótti. Onyń bári jańa ári ádil erejemen júrgizildi. Bul saılaýlar azamattarymyzdyń saıası jáne saılaý mádenıetiniń deńgeıi óskenin kórsetti», dedi Prezıdent.
Memleket basshysynyń aıtýynsha, aýyl ákimderin tikeleı saılaýdyń engizilýi saıası reformadaǵy asa mańyzdy qadamnyń biri boldy. Qazirge deıin 1900-den astam aýyl okrýgynda saılaý ótti. Aýyl ákimderiniń 60 paıyzǵa jýyǵy jańardy.
«Jaqynda aýdan jáne oblystyq mańyzy bar qala ákimderin azamattarymyz tikeleı saılaıtyn bolady. Ázirge jańa tásildiń tıimdiligin baıqap kóremiz. Adam quqyǵyn qorǵaý júıesi jetile tústi. Konstıtýsııalyq Sot qaıta quryldy. Ombýdsmenderdiń mártebesi kóterilip, quzyreti keńeıdi. Turmystyq zorlyq-zombylyq jasaǵan adamdarǵa jaza kúsheıtildi», dedi el Prezıdenti óz sózinde.
