Oıyl, Qobda, Yrǵyz aýdandarynda jáne Aqtóbe qalasynda oblystyq saılaý komıssııalarynyń múshelerimen kezdesken ol áriptesterimen aldaǵy saılaýdy uıymdastyrý men ótkizýge, úgit-nasıhat qyzmetiniń quqyqtyq rettelýine, múgedektigi bar azamattardyń saılaý quqyqtaryn qamtamasyz etýge, baıqaýshylardyń, úmitkerlerdiń senim bildirilgen adamdarynyń, buqaralyq aqparat quraldary ókilderiniń jumys jaǵdaılaryna qatysty naqty máselelerdi talqylady.
OSK tóraǵasynyń orynbasary aýdandyq saılaý komıssııalarynyń ýchaskelik saılaý komıssııalary músheleri úshin ótkizgen oqý is-sharalaryna qatysty. Uıymdastyrylǵan oqý trenıngteri sheńberinde ýchaskelik komıssııanyń daýys berý kúnine deıingi jáne saılaý kúngi jumysy boıynsha tájirıbelik keısterdi pysyqtaýǵa, saılaý qujattarynyń nysandaryn toltyrý tártibine, ýchaskelik komıssııa músheleriniń saılaý úrdisiniń basqa qatysýshylarymen ózara is-qımylyna basty nazar aýdaryldy. Is-sharalarǵa óńirdegi ýchaskelik saılaý komıssııalarynyń 180-nen asa múshesi qatysty.
Konstantın Petrov aldaǵy saılaý naýqandaryna qatysatyn pılottyq aýdandar men Aqtóbe qalasyndaǵy saılaý ýchaskeleriniń daıyndyǵyn da tekserdi.
Bıyl 29 qazanda 11 óńirdegi 21 okrýgte shyǵyp qalǵan depýtattardyń ornyna máslıhat depýtattaryn saılaý ótedi, al 5 qarashada qanatqaqty aýdandar men oblystyq mańyzy bar qalalarda 45 ákim saılanady.
