Foto: ashyq derekkóz
«Kostenko shahtasynda 33 kenshiniń máıiti tabyldy, 13 adam izdestirilip jatyr. Aqparat túsken sátten bastap biz barlyq qyzmettiń áreketin úılestirý úshin jedel shtab qurdyq. 252 kenshiniń 208-i jer betine shyǵaryldy, olardyń 18-i medısınalyq kómekke júgindi», dedi ákim baspasóz máslıhatynda.
Onyń aıtýynsha, zardap shekkender qazir dárigerlerdiń baqylaýynda.
Eske salaıyq, «ArselorMıttal Temirtaý» AQ-ǵa qarasty Kostenko shahtasynan órt shyqty. Prezıdent Úkimetke «ArselorMıttalTemirtaý» kompanııasymen ınvestısııalyq yntymaqtastyqty toqtatýdy tapsyrdy. Bas Prokýratýra atalǵan iske qatysty sotqa deıingi tergep-tekserýdi bastady. Memleket basshysynyń tapsyrmasyna sáıkes Premer-mınıstr Álıhan Smaıylovtyń tóraǵalyǵymen Qaraǵandy oblysynda «ArselorMıttal Temirtaý» AQ-nyń Kostenko atyndaǵy shahtasynda oryn alǵan apattyń sebepterin tergeý jáne onyń saldaryn joıý jónindegi Úkimettik komıssııa quryldy. Memleket basshysy Qasym-Jomart Toqaev apattyń mán-jaıyn anyqtap, tıisti sheshim qabyldaý úshin Qaraǵandy oblysyndaǵy qaıǵyly oqıǵa oryn alǵan jerge bardy. 29 qazan elimizde Jalpyulttyq aza tutý kúni dep jarııalandy.
