Foto: ashyq derekkóz
Qarjy mınıstri Erulan Jamaýbaev aıtqandaı, «Qaryzsyz qoǵam» jobasy aıasynda arnaıy jol kartasy ázirlenip, bekitilgen. Ol 6 negizgi baǵyt boıynsha 25 is-sharany qamtıdy.
«Jol kartasynyń árbir baǵyty boıynsha jumysty úılestirý úshin jergilikti ákimdikterde jaýapty laýazymdy tulǵalar taǵaıyndaldy. Respýblıkalyq mańyzy bar 3 qalada jáne 17 oblysta halyqpen tikeleı jumys isteıtin óńirlik jobalyq keńseler qurylyp jatyr», dedi mınıstr Úkimet otyrysynda.
Onyń sózine qaraǵanda, búginde halyqtyń shamadan tys nesıe alýy ózekti problemaǵa aınalyp úlgerdi. Jobalyq ofısterdiń negizgi mindeti - merzimi ótken nesıelerdi retteý, qarjylyq alaıaqtyqtan qorǵaý, sondaı-aq, azamattardyń bankrottyq máselelerin sheshý, jumysqa ornalastyrýǵa járdemdesý jáne bıznesti qoldaý sharalaryn uıymdastyrý.
«Jergilikti ákimdikter jobalyq ofısterdiń jumysy úshin qajetti ǵımarattar men materıaldyq-tehnıkalyq bazalardy bóledi. Oǵan bankter qarjylyq jaǵynan kómektesetin bolady. Jobanyń taǵy bir mańyzdy baǵyty – azamattardyń, oqýshylar men stýdentterdiń qarjylyq saýattylyǵyn arttyrýǵa yqpal etedi», dedi Erulan Jamaýbaev.
