Foto: Turizm_jane_sport_ministrligi
Esep berý kezegi semserlesý men taekvondo federasııalarynyń basshylaryna da keldi. Osy eki sport túrinen federasııa prezıdentterin hám bapkerlerdi jınaǵan mınıstr jetken jetistik maqtanarlyq emes dedi.
Semserlesý sportynan bapkerler Hanchjoýdaǵy jazǵy Azııa oıyndarynda keminde 1 altyn, 1 qola medal enshimizge buıyrady dep sendirgen edi. Saıys ústinde tek 1 kúmis, 2 qola júlde tıdi.
Taekvondodan da 1 altyn, 1 kúmis, 2 qola uzyn-yrǵasy 4 medal túsýi tıis edi jospar boıynsha. Sportshylar fınalǵa shyǵa almady, tek 2 qola medaldi qanaǵat tutty.
«Eki federasııaǵa baǵynyshty sport túrinen alǵan oljamyz tym az, sátsizdik sabaq bolýy tıis. Qorytyndy shyǵaryp, aldaǵy segiz aıda Parıj jazǵy Olımpıadasyna daıyndyqty kúsheıtý qajet», dedi mınıstr.
Federasııa basshylary búgingi esep berý jıynynan taǵy da bos shyqqan joq, júkteme arqalaı ketti. E.Marjyqpaev semserlesýshilerge Parıj jazǵy Olımpıadasynyń 5 joldamasyn, taekvondoshylarǵa 2 joldama oljalaýdy mindettedi.
