Sýretti túsirgen Álı ǴALYM
Amanat partııasynyń atqarýshy hatshysy Dáýlet Káribek keleshekte de partııa qazaq rýhanııatyna qoldaý kórsetetinin aıtty. Mádenıet jáne aqparat vıse-mınıstri Arman Júdebaev eki kúnge ulasqan aqyndar aıtysynda taqym qysyp qoldaý kórsetip, sóz saıystyrǵan dúldilderdi qolpashtaǵan kórermenderge alǵysyn jetkizdi.
Qazaqstannyń halyq aqyny Ásııa Berkenova tóraǵalyq etken qazylar alqasy bas báıgeniń júldesi «Altyn dombyra» men avtokólikti qaraǵandylyq Maqsat Ahanovqa baılady.
«Úndemesem ózime ózim tóre, sóılep ketsem ózime sózim tóre», deıdi qazaq halqy. Sol sózge búgin ádil baǵasyn bergen qazylar alqasynyń ary taza degen oıdamyn», dedi Á.Berkenova. 1-oryn men «Aıtys aqtańgeri» ataǵy qyzylordalyq Meıirbek Sultanhanǵa, 2-oryn pavlodarlyq Aspanbek Shuǵataıǵa tıdi. 3-oryndy ulytaýlyq Tólegen Jamanov pen Batys Qazaqstan oblysynan kelgen Jansaıa Mýsınaǵa buıyrdy. Arnaıy júlde Jambyl oblysynan qatysqan Alına Aıdaraly, Batys Qazaqstan oblysynyń aıtyskeri Muradym Meıirlanov jáne almatylyq Shuǵaıyp Sezimhanǵa berildi. О́zge aqyndarǵa da syı-sııapat tabystaldy.
