400-deı ádebı-syn, ǵylymı maqalalardyń avtory Serik Negımov Qazaqstanda halyq sanynyń 20 mıllıonǵa jetýin tarıhı oqıǵa dep baǵalady.
«Bizdiń memleketimizdiń nyǵaıyp, órkendeýi úshin, alǵa basýy úshin, álemdik qaýymdastyqta óziniń laıyqty ornyn alý úshin halqymyzdyń demografııasynyń óskeni qýantarlyq jaǵdaı. 20 mıllıonynshy sábıdiń dúnıege kelýi − halqymyzdyń óskendigin dáleldeıtin tarıhı oqıǵa. Bizdiń uly dala, memleketimiz 20 mıllıon halyq emes 150-200 mıllıon halyqty asyraýǵa qaýqarly», dedi Serik Negımov.
Professor halyq sanynyń ósýimen qatar, jaýapkershilik júgi de salmaqty bola túsý kerek ekenin aıtty.
«Halqymyzdyń sanynyń óskeni qýanysh syılaıdy, biraq ári qaraı da halqymyzdyń turmysy, mádenıeti, yntymaǵy, aýyzbirshiligi mol bolýy kerek. Bizdiń jerimizge óndiris, zaýyt, fabrıka kerek. Platonnyń «Memleket» atty tarıhı traktatynda el bıleýshi, ámirshi halyqqa beıbitshilik syılaý kerek dese, Konfýsıı «Qalyń qoldy kósemsiz qaldyrýǵa bolady, qara halyqty kásipsiz qaldyrýǵa bolmaıdy» degen. Kásip degen násip», dep túıdi S.Negımov.
Ol ekonomıka demografııa damýynyń negizgi kilti degen pikirde. Bul meje oryndalýy úshin otandyq ekonomıka órkendeý kerek.
«Halqymyzdyń ósýi memleketimizdiń qorǵanysh qabiletiniń artýy dep bilemin. El tutqasyn ustaǵandar halyqqa jumys taýyp berse halyqtyń ishinde 8 mln 400 myń adam kredıtte otyr, 2,5 mln adam zeınetker. Halyq sany ósý úshin ekonomıka gúldenip, ulttyq óner, ulttyq kásip, ulttyq dástúr jandaný kerek», dedi Serik Negımov.
Sóz sońynda fılologııa ǵylymdarynyń doktory, professor Serik Negımov Qazaqstannyń bolashaǵy jarqyn bolýyn tiledi.
