Foto: Oqıǵa bolǵan jer. Vıdeodan kadr: t.me/stranaua
Milliyet túrik basylymy júk kemesi Túrkııanyń soltústigindegi Zongýldak provınsııasynyń Ereglı aımaǵyna qaraı jyljyp, jaǵasyna jaqyndaǵanyn, tabıǵı apat mezetinde teńiz tolqynynyń bıiktigi shamamen 5 metrge deıin jetkenin, bortta bolǵan 13 adamnyń evakýasııalanǵanyn ári ekıpaj músheleri zardap shekpegenin jazǵan.
Kemedegi barlyq 13 ekıpaj múshesin evakýasııalaǵanyn málimdegen Túrkııanyń teńiz isteri bas basqarmasy: «19 qarashada saǵat 10:00-de Bas izdestirý jáne qutqarý jumystaryn úılestirý ortalyǵyna apat týraly qońyraý tústi. Tekserýden keıin Kamerýn memleketiniń baıraǵy bar Pallada kemesi daýyl saldarynan zaqymdanyp, Ereglıde sý jaǵasyna shyǵyp qalǵany anyqtaldy», dep jazǵan eken habarlamasynda.
Túrkııanyń Anadolu agenttiginiń taratqan habarynsha, Ereglı porty basshylyǵy daýylǵa baılanysty porttan shyǵyp ketken Kafkametler atty túrik kemesimen baılanys ornatýǵa tyrysyp jatyr. Ol Reseıden shyǵyp Túrkııanyń Izmır qalasyna qaraı jolǵa shyqqan, ol kemedegi barlyq 12 ekıpaj múshesi Túrkııa azamattary eken.
UNIAN basylymy Pallada júk kemesi Odessadan 3 qarashada shyqqanyn túsindiredi.
