Kópbalaly analar men 78 jastan asqan jolaýshylar avtobýsta tegin júredi. Qoǵamdyq kólikterdiń aldaǵy qys aılaryna daıyndyǵyn basty nazarǵa alǵan Qonaev qalasynyń ákimi Nurlan Qumataev jolaýshylar tasymalymen aınalysatyn avtoparkke baryp, olardyń jumysyn tekserdi.
Qala basshysy júrgizýshilerdiń medısınalyq baqylaýdan ótkeni týraly jýrnalǵa jáne avtobýstardyń tehnıkalyq jaǵdaıyna nazar aýdardy. Sebebi jolaýshylardyń qaýipsizdigi birinshi orynda turýy qajet. Ol úshin avtobýs júrgizýshileriniń densaýlyǵy myqty bolyp, qoǵamdyq kólik talapqa 100 paıyz sáıkes kelý kerektigi atap ótildi.
«Biz avtoparkke bólinetin sýbsıdııa kólemin arttyryp jatyrmyz. Sondyqtan qyzmet kórsetý sapasy da jaqsarýy kerek. Qazir jaǵdaıdy óte jaqsy deı almaımyz. Halyqpen kezdesýlerde «Arna» shaǵyn aýdany men saıajaı alqaptarynyń turǵyndary avtobýstyń keshigip júretini jóninde únemi shaǵymdanady. Jumysty jandandyryp, jurtshylyqqa durys qyzmet kórsetý qajet», dedi Nurlan Qumataev avtopark basshysyna.
Kompanııa basshysy ár avtobýsta dıspetcherlerdiń jáne avtopark ákimshiliginiń baılanys nómirleri jazylǵan aqparat ilinip turǵanyn aıtty. Qandaı da bir shaǵym bolsa, turǵyndar birden basshylyqqa habarlaı alady.
Aıta ketý kerek, «Qapshaǵaı ATO» JShS tek jolaýshylar tasymalymen ǵana aınalysyp qoımaı, kommýnaldyq qyzmet kórsetedi. Onyń ishinde, jeke úılerden qoqys shyǵarý da bar.
«Turmystyq qatty qaldyqtardy shyǵarý tańnan bastalýǵa tıis. Qoqys tazalaýǵa ketýdiń ornyna, meni kórsin degendeı, tehnıkanyń bári tizilip tur. Odan da mindetterińizdi oryndaǵandaryńyz jón edi», dep keıidi shahar ákimi.
Avtopark jumysymen tanysqan Nurlan Qumataev aldaǵy jeltoqsan aıynda 4 avtobýs qoldanysqa beriletinin atap ótti. Sondaı-aq ol avtopark basshysyna qystyń aıazdy kúnderinde avtobýstardyń talapqa saı, jyly bolýy qajettigin tapsyrdy.
Almaty oblysy,
Qonaev qalasy
