«Turǵyndar tarapynan «7-20-25» baǵdarlamasyna keńinen suranys boldy. Biraq bul baǵdarlamany iske asyrýǵa qarajat kerek. Ulttyq bank óziniń lımıtin qoıǵan edi. Bul lımıt suranys turǵysynan jetkiliksiz. Ulttyq bank mundaı shekteý qoıǵannan keıin Úkimet aıasynda, sondaı-aq «Otbasy bank» jáne «Báıterek» holdıngi birlesip qosymsha baǵdarlama ázirlep jatyrmyz. Ol - «9-20-25» baǵdarlamasy», dedi Premer-mınıstr.
Álıhan Smaıylovtyń aıtýynsha baǵdarlama arqyly 8 myń adam nemese otbasyn baspanamen qamtý maqsaty kózdelip otyr.
«Qazirgi jaǵdaıda 9 paıyz degen tómen mólsherleme sanalady. Sony iske asyrý úshin tıisti esep-qısapty jasap otyrmyz. Oǵan jyl saıyn 150 mlrd teńge kerek jáne 8 myń otbasy nemese adamǵa osy ıpotekany alýǵa múmkindik beriledi. Ol úshin 100 mlrd teńgeni naryqtan tartýymyz qajet, al «Otbasy bank» óziniń taza tabysynan 50 mlrd teńge bólýi tıis. Osy qarajatty qosyp, 9 paıyzdyq stavkaǵa shyǵý kerek. Bul baǵdarlama negizinen jastarǵa arnalady dep sanaımyn», dedi Álıhan Smaıylov.
Sondaı-aq Premer-mınıstr «Baqytty otbasy», «Shańyraq» baǵdarlamasynyń jalǵasatynyn aıtty. Bul baǵdarlamalar arqyly sońǵy úsh jylda 43 myń otbasy baspanaly bolǵan.
