Jas mamanǵa jumys daıyn

Oblystyq bilim basqar­ma­sy­nyń málimetinshe, Oqý-aǵartý mı­­nıstrligi ótken oqý jylyn­da­ kásiporyndardyń tapsyrysy­ bo­ıyn­sha kadr daıarlaýdy­ engiz­gen bolatyn. Bul óz kezeginde eń­bek naryǵynda suranysy bar maman­dyqtarǵa maman daıarlaýǵ­a­ múmkindik beredi. Bul ret­te ju­mys berýshiler óz kásip­oryn­da­ry­nyń bazasynda­ stý­dent­­terdiń táji­rı­beden jáne taǵy­lym­damadan ótýine jaǵ­daı jasap, oqý­yn aıaqtaǵan soń jumysqa qabyldaý min­detin alyp otyr.

Sonymen qatar oblys­ ákiminiń tapsyrmasyna sáı­kes kol­ledj­derdi beıindeý jumys­tary júr­gi­zildi. Sonyń nátıjesinde 15 kol­ledjdegi beıin­deri sáıkes kelmeıtin 91 mamandyqtyń 45-i jabyldy jáne óńirdegi 13 kolledjde «Landshafty dızaın», «Kınolog», «Logoped», «BIM-tehnık», «Kıim dızaıny», «Grafıkalyq jáne mýl­tı­­medıalyq dızaın» jáne taǵy da basqa eńbek naryǵynda sura­nysqa ıe 17 jańa mamandyq ashyldy.

Memlekettik tapsyrysty ju­mysshy mamandyqtaryna qaıta baǵdarlaý jumystary atqa­ryl­dy. Sonyń nátıjesinde bıyl jumysshy mamandyqtarǵa mem­le­ket­tik tapsyrys kólemi ótken jyl­­men salystyrǵanda 268 oryn­ǵa ulǵaıdy. Sol sııaqty 2024 jylǵa taǵy birqatar jańa maman­­dyqty ashý josparlanyp otyr. Olardyń qatarynda balyq sharýashylyǵy, jyly­jaı sharýashylyǵyn uıym­das­ty­rý, kran mashınısi, mal sha­­r­ýa­­shylyǵy keshenderi men meha­nı­ka­­lan­dyrylǵan fermalardyń operatory, pılotsyz ushý appa­rat­tary­nyń operatory, untaqtaý-suryp­taý jabdyǵynyń operatory, tútý óndirisiniń mashına­la­ry men jabdyqtarynyń opera­to­ry, sýmen jabdyqtaý jáne sý burý júıeleriniń tazartý qury­lys­taryn paıdalaný sekildi maman­dyq­tar bar.

«Eńbek naryǵynda básekege qabiletti maman daıarlaý – árbir oqý ornynyń basty mindeti. Memleket basshysynyń tapsyrmasyna saı «Sapaly bilim berý «Bilimdi ult» ulttyq joba­syn iske asyrý sheńberinde 2025 jylǵa qaraı suranysqa ıe ma­man­dyqtar boıynsha jastardy tegin teh­nı­kalyq jáne kásiptik bilim berýmen tolyq qamtý kózdelgen. Osy jyly mem­­l­ekettik tapsyrystyń ul­ǵaı­­­­ǵa­nyn eskerip, jastardy kol­ledj­­derde 9-synyp negizinde tegin tehnıkalyq jáne kásiptik bi­lim­men qamtý 84,4 paıyzǵa jet­kizildi. 2025 jylǵa qaraı bul kór­setkish 100 paıyzǵa jetedi dep jos­parlanǵan», deıdi oblystyq bi­lim basqarmasynyń mamandary.

Sondaı-aq oblysta 14 kolledj­de dýaldy oqytý júıesi engizilgen. Onda 25 mamandyq boıynsha 2734 bilim alýshy daıarlanyp jatyr. 249 kásiporynmen 262 kelisimshart ja­saldy. Iаǵnı túlekter praktıkadan ótip, ári qaraı jumysqa tura ala­dy. Dýaldy oqytýdy engizýde jáne kásiporyndarmen tabysty bir­les­ken is-qımyldyń tıimdi úlgisin Tal­dyqorǵan servıs jáne tehnolo­gııa­lar kolledji, Tekeli kásiptik kol­ledji, Taldyqorǵan agrarlyq-teh­no­logııalyq kol­led­ji kórsetip otyr. Osy oraıda kol­ledjdiń iri bıznes­pen tyǵyz qarym-qatynasy bilim berý baǵ­dar­­lamalarynyń mazmunyn jańar­týǵa múmkindik berdi.

Osy maqsatta kolledjdiń árbir túleginiń bıznes daǵ­dy­laryna ıe bolýynyń mańyz­dylyǵyn eskerip, Taldy­qor­ǵan joǵary polı­teh­nıka­lyq kolledjiniń bazasyn­da kásipkerlik qoǵam­das­tyq ókil­de­rin tarta otyryp, stý­denttik bıznes-ınkýbator quryl­dy. Sol sııaqty «Jas maman» joba­sy aıasynda 7 memlekettik kol­ledjde 11 quzyrettilik orta­lyǵy ashylyp, olardyń baza­synda «WorldSkills» chempıonatyna daıyndyq alań­dary, Taldyqorǵan joǵary polı­­tehnıkalyq kolledjiniń baza­syn­da «Startap» akademııasy­ quryldy. Ortalyqtarda aka­de­mııalyq utqyr­lyq sheńberinde aýyldyq kolledj stýdentterine praktıkalyq sabaqtar ótkiziledi, arnaıy pánder oqytýshylary men óndiristik oqytý sheber­le­rine biliktiligin arttyrý,­ qaıta daıarlaý kýrstary uıym­das­ty­ry­lady.

Eske sala keteıik, oblys­ta 27 kolledj jumys isteıdi, onda 14 773 stýdent bilim alyp jatyr. Oqý oryndary aýyl sharýashylyǵy, qyzmet kórsetý, qurylys, mashına­jasaý salalary, sondaı-aq tehnı­kalyq, pedagogıkalyq, zań­gerlik, ekonomıkalyq, medı­sınalyq ba­ǵyt­tarǵa 61 mamandyq jáne 102 bilik­tilik bo­ıynsha maman daıarlaıdy.

Jetisý oblysy