Oblystyq bilim basqarmasynyń basshysy Erlan Slambekovtiń aıtýynsha, muǵalimderdi bos laýazymdarǵa tartý erejesi daıyndalǵan. Salalyq mınıstrlik janynan konkýrs komıssııasy qurylǵan. Al oblystyq bilim basqarmasynda úılestirý keńesi bar.
«О́ńirge keletin muǵalimderge laýazymdyq jalaqynyń 150 paıyz mólsherinde yntalandyrý tólemi, onyń ishinde jalaqyny kóterý, turǵyn úıdi jaldaý aqysyn, kommýnaldyq tólemder shyǵynyn óteý belgilengen. Bos jumys oryndaryna ornalasý úshin úmitkerler esse jazyp, testileýden, áńgimelesýden ótti. Bıyl Atyraý oblysyna bastaýysh synyp, tarıh, matematıka, fızıka pánderin oqytatyn 10 muǵalim keldi. Qazir olar mektepterde sabaq berip júr. Olardyń keıbirine jańa páter berip otyrmyz. 15 jeltoqsanǵa deıin taǵy 4 muǵalimge baspana berý josparlanǵan», deıdi Erlan Slambekov.
Máselen, Gúljan Boranbaeva bilim salasynda 20 jylǵa jýyq jumys istep, mol tájirıbe jınaǵan. Buryn Batys Qazaqstan oblysyndaǵy daryndy balalarǵa arnalǵan mamandandyrylǵan aqparattyq tehnologııalyq mektep-lıseıinde matematıka páninen dáris bergen. Endi Atyraý qalasyndaǵy №31 gımnazııada jumys istep júr.
Kórshi óńirden taǵy bir muǵalim otbasy kelgen. Jas maman Erjan Eginbaevtyń ózi de, zaıyby da – pedagog.
«Muǵalimderge jas urpaqtyń bolashaǵy úshin úlken jaýapkershilik júktelip otyr. Bizdiń mindetimiz – oqýshylardyń sapaly bilim alýyna, eldiń keleshegine adal qyzmet etetin bilikti maman bolyp qalyptasýyna úles qosý. Alańsyz jumys isteýimiz úshin jańa páter berilip, qoldaý kórsetilip otyr», deıdi Erjan Eginbaev.
Atyraý oblysy
