Ekonomıkalyq ósýdi yntalandyrý, ınfraqurylymdy damytý, jańa jumys oryndaryn qurý, tehnologııalyq jańarý jáne jergilikti bıznestiń básekege qabilettiligin arttyrý úshin óńirge sheteldik ınvestısııalardy tartýǵa járdemdesý maqsatyndaǵy forýmdy ashqan oblys ákimi Darhan Satybaldy óńirde ınvestorlarǵa barlyq jaǵdaı jasalatynyn atap ótti. Forýmda aýyl sharýashylyǵy, jeńil ónerkásip, eksport, logıstıka jáne IT-bilim sııaqty negizgi salalar talqylandy. Sondaı-aq halyqaralyq forým aıasynda Qazaqstan, Túrkııa, Qyrǵyzstan, О́zbekstan, Ázerbaıjan jáne Qytaı, Reseı eliniń bedeldi kompanııalarymen birneshe baǵytta 20-ǵa jýyq memorandýmǵa qol qoıyldy. Atap aıtqanda, Saýran aýdanynda tońazytqysh qondyrǵylar óndirisin keńeıtý, Sozaq aýdanynda fosfatty taý jynystary kenderin óńdeý zaýytynyń qurylysy, «Shardara» eksporttyq agroónerkásiptik klasterin, Maqtaaral aýdanynda toqyma klasterin qurý jáne Keles aýdanynda ındýstrıaldy park qurylysy, Saıram aýdanynda qýattylyǵy 1000 MVt bolatyn ıkemdi generasııalaý rejımi bar aralas sıkldi gaz stansııasynyń negizinde elektr stansııasyn salý, tústi rýdalardy jáne metallýrgııa óndirisiniń ónerkásip qaldyqtaryn qaıta óńdeý boıynsha Kentaý baıytý kombınatyn iske qosý, Jetisaı aýdanynda toqyma fabrıkasyn, Báıdibek aýdanynda taýyq jumyrtqasyn óndiretin qus fabrıkasyn qurý, dymqyl maılyqtar men balalar jórgekterin shyǵarý baǵytynda qoldanystaǵy jelini keńeıtý boıynsha jáne taǵy basqa baǵytta yntymaqtastyq týraly memorandýmǵa qol qoıylyp, kelisimder jasaldy.
Jıynda ınvestorlarǵa perspektıvaly ınvestısııalyq jobalarmen jáne olardy óńirde iske asyrý úshin jaǵdaılarmen tanysýǵa múmkindik berildi. Forým barysynda jobalardy birlesip damytý úshin bıznes-qoǵamdastyq, jergilikti bılik jáne ınvestorlar arasynda strategııalyq seriktestikter ornatylyp, qatysýshylar tájirıbe almasty.
