«Dostar, jankúıerler, maǵan «Aqtóbe» fýtbol klýbyn basqaratynyma qatysty kóptegen suraqtar túsip jatyr. Biraq meniń basty maqsatym men mindetim – Qazaqstan ulttyq quramasyn naýryz aıynda ótetin oıyndarǵa daıyndaý. Men qazir osyǵan ǵana kóńil bólip júrmin. Meniń armanym – 2024 jylǵy fýtboldan Eýropa chempıonatyna jetý jáne oǵan qatysý. Osyǵan oraı, qurmetti dostar men jankúıerler, men jaqyn arada eshqandaı fýtbol klýbyn basqarýdy josparlap otyrǵan joqpyn», dep jazdy Ádıev áleýmettik jelide.
Esterińizge sala keteıik, Qazaqstan pleı-off kezeńinde oınaıdy, onda komandalar Ulttar lıgasynyń qorytyndysy boıynsha irikteýden ótedi. Jartylaı fınalda Magomed Adıev shákirtteri Grekııamen kezdesip, jeńiske jetse, Grýzııa-Lıýksembýrg jubynyń jeńimpazymen oınaıdy. Eger qurama syrt alańda eki oıynda da jeńiske jetse, Eýro-2024 fınalyna joldama alady.
