Sýretti túsirgen Mereı Qaınaruly
Munda qysqa merzim ishinde barlyq mehanızmder men qazandyq agregattaryna aýqymdy qaıta qurý júrgizildi.
«Rıdder búginde jylýmen, ystyq sýmen jáne elektr energııasymen qamtamasyz etilgen. Ishki jumystardan basqa, jylý jelileriniń jekelegen ýchaskeleri aýystyryldy. Jóndeý jumystary is júzinde aıaqtaldy», dedi Shyǵys Qazaqstan oblysynyń ákimi Ermek Kósherbaev.
О́ńir basshysy jańa jabdyqtar men transformatorlar ornatylǵanyna nazar aýdardy. 50 jyldan astam ýaqyt qyzmet etken eski jabdyqtardyń bir bóligi jańasyna aýystyryldy.
Qys mezgilinde tolyqqandy jumys isteý úshin ortasha qysymdy eki jáne joǵary qysymdy eki qazandyqtyń jumys isteýi jetkilikti. Qalǵan qazandyq agregattary rezervte bolady.
Joǵary qysymdy eki qazandyq (№ 4 jáne № 6) iske qosý-retteý jumystaryna daıyn. Qalǵan qazandyqtar boıynsha barlyq jumys jeltoqsannyń ortasyna deıin aıaqtalady.
Nysanda 16 merdigerlik uıym, onyń ishinde JEO qyzmetkerleri, Qazmyrysh jáne О́skemen jylý jelileriniń mamandary jóndeý jumystaryn jalǵastyryp jatyr.
Stansııada 338 tonna mazýt pen 11 492 myń tonna kómir bar.
