Foto: kursiv.media
Bul bastamany birinshi bolyp Jogorký Kenesh depýtattary Nurlanbek Shákıev, Ulan Pirimov kótergen. Pirimov zań jobasy Qyrǵyz Respýblıkasynyń negizgi memlekettik rámizderiniń biri – Qyrǵyz Respýblıkasynyń týyn jetildirýge baǵyttalǵanyn atap ótti.
Qyrǵyz Respýblıkasynyń týyndaǵy sáýlelerdiń tolqyn tárizdi kún sáýleleriniń pishini, anyq kúndi eske túsiretin tik pishinge ózgertiledi.
«Qyrǵyz Respýblıkasynyń týyndaǵy kún sáýlesiniń jańa nobaıyn jasaý úshin bastapqy kezeńde osy týdy jasaǵan avtorlar jumyldyrylmaq. Olar matematıkalyq esepteýler men syzbalardy jáne soǵan baılanysty jumystardy júrgizedi. Qyrǵyz týy avtorlarynyń biri Júsip Mataevtyń aıtýynsha alǵashqyda kún sáýlesin anyq eske túsiretin pishin usynylǵanyn, biraq keıin bul kún sáýleleri ózgeriske ushyraǵanyn aıtty», dep jazady basylym.
