40 jastaǵy Tórejan Maqashevke sol kúni josparly ota jasaý kerek edi. Alaıda medbıke tamyr arqyly seftrıakson dárisin salyp, naýqas sodan keıin kóz jumǵan.
Oblystyq klınıkalyq aýrýhana anafılaktıkalyq shoktan josparly em alý kezinde naýqas kóz jumǵanyn rastap otyr.
«Naýqasqa operasııa kezinde yqtımal asqynýlardy boldyrmaý úshin profılaktıkalyq maqsatta «Seftrıakson» preparaty taǵaıyndaldy. Naýqastyń «Seftrıakson» preparatyna allergııasy bar ekendigi týraly aıtylǵanyn eskere otyryp, klınıka dárigerleri allergologııalyq jáne ımmýnologııalyq kómek kórsetý standartynyń talaptaryna sáıkes ony engizer aldynda teriishilik allergııalyq synaq taǵaıyndady, ol teris nátıje kórsetti. Naýqastyń ambýlatorııalyq kartasynda allergııalyq reaksııanyń bolýy týraly derekter bolǵan joq. Reanımasııa dárigerleriniń barlyq kúsh-jigerine qaramastan, naýqas qaıtys boldy. Oblystyq klınıkalyq aýrýhananyń Densaýlyq saqtaý salasyndaǵy NQA talaptaryna sáıkes dárilik preparatty qoldanýdyń jaǵymsyz saldary týraly Ulttyq dárilik zattar men medısınalyq buıymdardy saraptaý ortalyǵyna habarlama, Medısınalyq jáne farmasevtıkalyq baqylaý departamentine josparly emdeýge jatqyzý kezinde ólim týraly shuǵyl habarlama jiberildi», dep túsindirdi Qaraǵandy oblystyq klınıkalyq aýrýhanasy ujymy.
Oqıǵaǵa baılanysty qylmystyq is qozǵaldy. Qazirgi ýaqytta Qaraǵandy oblysy boıynsha Medısınalyq jáne farmasevtıkalyq qyzmet sapasyn baqylaý komıteti jospardan tys tekserý júrgizip jatyr.
Tekserý nátıjeleri boıynsha tıisti sharalar qabyldanbaq.
