Memleket basshysynyń tapsyrmasymen IIM jáne jergilikti ákimdiktiń qoldaýymen óńirlik polısııa qyzmeti jyl basynan beri 59 qyzmettik avtokólikpen tolyqqan. Onyń ishinde, respýblıka boıynsha birinshi bolyp qazirgi zaman talaptaryna saı, qorshaǵan ortaǵa zalalsyz, otandyq óndiriste jasalǵan 25 dana elektromobıl alynyp otyr.
Tártip saqshylaryna berilgen temir tulparlar zamanaýı quraldarmen jabdyqtalǵan. Dybys kúsheıtkish qondyrǵysy men rasııasy bar. GPS júıesi arqyly kólikterdiń qaı baǵytta júrgeni ortalyqtan baqylanady.
Is-shara barysynda departament basshysy, polısııa general-maıory Armanbek Baımýrzın polısııa qyzmetiniń jumysyn arttyrý maqsatynda tıimdi sharalar qabyldanǵanyn atap ótti. «Polısııa qyzmetkerlerin materıaldyq-tehnıkalyq jabdyqtaý qylmystyń sanyn azaıtýǵa septigin tıgizetini sózsiz. Osy rette polısııa jumysyn jandandyrý baǵytyndaǵy áriptestik qoldaýy úshin oblys ákimdigine alǵysymdy bildiremin. Bizdiń polısııa qyzmetkerleri bar múmkindikti paıdalana otyryp, aýmaqtaǵy tártip pen qaýipsizdikti qamtamasyz etýde aıanbaı qyzmet etip keledi. Servıstik polısııany júzege asyryp, jurtqa jaqyn bolý maqsatyndaǵy jumystar odan ári jandanatyn bolady», dedi ol.
Saltanatty rásim jeke quramnyń jańa avtokólikterdegi saptyq sherýimen aıaqtaldy.
2020-2023 jyldary polısııa qyzmetkerleriniń ıgiligi úshin jalpy sany 309 avtokólik satyp alynypty. Bul álbette, az emes. Al bıyl berilgen 59 qyzmettik avtokóliktiń 25-si Qazaqstanda jasalǵan elektromobıl. Osy turǵydan kelgende jambyldyq tártip saqshylary elimiz boıynsha birinshi bolyp elektromobıl minip otyrǵanyn aıta ketken jón.
