Joǵarǵy Palatanyń Halyqaralyq qatynastar, qorǵanys jáne qaýipsizdik komıteti delegasııasyn Túrki Akademııasynyń prezıdenti Shahın Mustafaev qabyldady.
Keleli kezdesýge Túrki Akademııasynyń prezıdenti Shahın Mustafaev, Qazaqstan Respýblıkasy Parlamenti Senatynyń depýttary Darhan Qydyráli, Ǵalıasqar Sarybaev, Alısher Satvaldıev, Gennadıı Shıpovskıh, Túrki Akademııasynyń vıse-prezıdenti Ashat Kesikbaev, Akademııa prezıdentiniń keńesshisi Tileýjan Seksenbaı qatysty.
Kezdesý barysynda taraptar túrki dúnıesine ortaq máselerdi, atap aıtqanda ǵylym jáne bilim, mádenı-gýmanıtarlyq baılanystar, sonymen qatar, ǵylymı ınnovasııa salalary boıynsha pikir almasty.
Akademııa basshysy Sh. Mustafaev uıymnyń qyzmeti men júzege asyrylyp jatqan ǵylymı jobalar týraly aqparat berdi. Sondaı-aq ol Túrki Akademııasynyń jumys baǵytynyń gýmanıtarlyq salada ǵana shektelmeı, aýqymyn basqa ǵylym baǵdarlarynda keńeıtý maqsatynda jańa bastamalardy qolǵa alǵanyn jáne atalǵan jobalarǵa qazaqstandyq ǵalymdardyń da atsalysyp jatqanyn atap ótti.
О́z kezeginde Komıtet hatshysy Darhan Qydyráli ózara ǵylymı ıntegrasııany damytýdyń arqasynda túrki halyqtarynyń birligi nyǵaıyp, qazirgi tańda álemdik qaýymdastyqta bedeli artyp kele jatqanyn aıtty.
Osy oraıda ol baýyrlas elderdiń Memleket basshylary túrki álemi yntymaqtastyǵynyń damýyna basa nazar aýdaratyn, sonymen qatar aldaǵy ýaqytta da Qazaqstan tarapynyń Túrki Akademııasynyń atalǵan baǵyttaǵy bastamalaryna qoldaý kórsetetinin jetkizdi.
«Jýyrda Astana qalasynda ótken TMU mereıli 10-shy Sammıtinde Memleketterimizdiń basshylary baýyrlas elderimiz arasyndaǵy ózara is-qımyldy odan ári damytýǵa baǵyttalǵan mańyzdy sheshimder qabyldady. Bul rette Qazaqstan Parlamenti de óz tarapynan ǵylymı ıntegrasııany nyǵaıtýǵa zańnamalyq jáne basqa taraptardan qoldaý kórsetýge daıyn», dedi D. Qydyráli.
Kezdesý sońynda Senat depýtattary Túrki Akademııanyń buǵan deıin atqarǵan jumystaryna jáne keıingi kezderi qolǵa alǵan jobalaryna joǵary baǵa berip, uıym basshysyna rızashylyǵyn bildirdi.
О́z kezeginde Akademııa basshysy Joǵary Palata delegasııasyna uıymnyń 2023 jylǵy ataýly datalar boıynsha basyp shyǵarǵan eńbekterin tartý etti.
Sonymen qatar mártebeli qonaqtar túrki murajaıy men kitaphanasyn aralap, onda saqtalǵan belgili túrkologtardyń jeke zattarymen, qoljazba jáne kitap qorlarymen tanysty.
