Atap aıtqanda, test tapsyrmalary men baǵalaý upaılarynyń sanyn ózgertý bóliginde Ulttyq biryńǵaı testileýdiń formatyn jetildirý josparlanyp otyr.
Osylaısha, qysqartylǵan oqý merzimin qarastyratyn bilim berý baǵdarlamalaryna túsetinderdi qospaǵanda, orta, tehnıkalyq, kásiptik nemese orta bilimnen keıingi bilim berý uıymdarynyń túlekteri úshin UBT test tapsyrmalarynyń sany:
Qazaqstan tarıhy boıynsha – 20;
Matematıkalyq saýattylyq boıynsha – 10 (qazir 15);
Oqý saýattylyǵy boıynsha (oqytý tili) – 10 (qazir 15);
Birinshi mamandandyrylǵan pán boıynsha – 40 (qazir 35);
Ekinshi beıindik pán boıynsha – 40 (qazir 35).
Sondaı-aq múmkindigi shekteýli balalar men kórý qabileti buzylǵan balalar úshin UBT pánderi boıynsha test tapsyrmalarynyń nusqalary dıagrammalardy, kestelerdi, karta syzbalaryn jáne grafıkterdi qoldanbaı qalyptastyrylatyny qosyldy.
Shyǵarmashylyq daıyndyqty qajet etetin bilim berý baǵdarlamalary tobynda oqıtyn jáne aqyly negizde bilim berý baǵdarlamalarynyń basqa toptaryna aýysqysy keletin joǵary oqý oryndarynyń stýdentteri úshin UBT test tapsyrmalarynyń sany:
Birinshi mamandandyrylǵan pán boıynsha – 40 (qazir 35);
Ekinshi beıindik pán boıynsha – 40 (qazir 35).
Sonymen qatar qazaq tilin meńgergenin rastaıtyn QAZTEST sertıfıkaty bar, negizgi pánderdiń biri retinde «Qazaq tilin» tańdaǵan tulǵalardy talapkerdiń ótinishi boıynsha UBT balyna qaıta aýdarý qarastyrylǵan.
«V1 (orta) deńgeıinen tómen emes, qazaq tilin meńgergendigin rastaıtyn QAZTEST sertıfıkaty bar oqýshylar UBT-da «Qazaq tili» pánin nemese arnaıy pándi tapsyrýdan óz qalaýlary boıynsha bosatylady. Sondaı-aq emtıhan tapsyrý konkýrsyna qatysyp bilim berý grantyna ıe bolady nemese úlgilik qaǵıdalardyń 4-2-tarmaǵyna jáne 2-2-qosymshasyna sáıkes balldardy aýdarý shákili boıynsha aqyly negizde oqýǵa túsedi», delingen túzetýde.
Shyǵarmashylyq daıyndyqty qajet etetin bilim berý baǵdarlamalary tobyna túsetin tulǵalardyń shekti upaı sany da ulǵaıtyldy. Endi ol UBT boıynsha 125 emes, 130 ball bolady.
Sonymen qatar appelıasııaǵa da ózgerister engizildi. О́zgeriske sáıkes, apellıasııaǵa kelip túsken ótinishterdi Respýblıkalyq apellıasııalyq komıssııa 30 jumys kúni ishinde qaraıdy. Respýblıkalyq apellıasııalyq komıssııa ótinishterdi qaraýdy kúntizbelik jyldyń 13 shildesine deıin aıaqtaıdy. О́tinish berýshiniń jeke kabınetinde Respýblıkalyq apellıasııalyq komıssııa otyrysyn ótkizý ýaqyty týraly aqparat kórsetiledi. О́tinish berýshiniń ótinishi boıynsha apellıasııalyq ótinishti Respýblıkalyq apellıasııalyq komıssııa otyrysy ótkenge deıin onyń jeke kabınetinde qaıtaryp alýǵa bolady. Apellıasııalyq ótinish bir jumys kúni ishinde qaıtaryp alynǵan jaǵdaıda, UBT sertıfıkaty talapkerdiń jeke kabınetinde kórsetiledi.
Qujat 26 jeltoqsanǵa deıin qoǵamdyq talqylaý úshin Ashyq «NQA» saıtyna ornalastyryldy.
