Respýblıkalyq jedel-qutqarý jasaǵynyń málimetinshe, eki shopannyń joǵalyp ketkeni týraly aqparat 11 jeltoqsan kúni saǵat 22:03-te túsken. Olar Almaty oblysynyń Jambyl aýdanynda bir otar qoıdy baǵyp júrgen. Joǵalyp ketkenderdi izdeýge Respýblıkalyq jedel-qutqarý jasaǵynyń 10 adamnan turatyn jedel qutqarý toby shyqqan. Bazadan izdeý ornyna deıingi araqashyqtyq 138 km quraıdy.
«Qutqarýshylar shopandardy izdeýge saǵat 02:40-ta kiristi. Izdeý operasııasy kezinde dalada qatty jel, boran, aıaz boldy. Saǵat 09.55-te birinshi shopan, saǵat 10.15-te ekinshi shopan tabyldy. Ekeýin de Jartas aýyly aýdanyndaǵy daladan taptyq. Qatty aıaz bolsa da adamdar úsip qalmaǵan eken, olardyń jaǵdaıy jaqsy, zardap shekpegen», delingen habarlamada.
Shopandar dalada baǵytyn joǵaltyp, adasyp ketken eken. Joǵalǵan shopannyń bireýi 1984 jylǵy, ekinshisi 1982 jyly týǵan.
