Sol ıgi istiń jalǵasy ispetti semınardyń basty maqsaty – elimizdegi bilim berý salasynda qyzmet etip júrgen ǵalymdar men mektep muǵalimderi arasyndaǵy qarym-qatynasty júıeli jolǵa qoıyp, ózara pikir almasyp, oı bólisý. Alqaly basqosýǵa ǵalymdarmen birge, ár aımaqtan kelgen matematıka, fızıka jáne ınformatıka pánderiniń 120-ǵa jýyq muǵalimi qatysty.
Kúmbirlegen kúımen shymyldyǵy túrilgen taǵylymy mol is-sharaǵa Memlekettik syılyqtyń laýreaty, fızıka-matematıka ǵylymdarynyń doktory, professor Muhtarbaı О́telbaev qurmetti qonaq retinde arnaıy qatysyp, jyly lebizin bildirdi. Sondaı-aq ǵulama ǵalym matematıka ǵylymyna den qoıǵan ustazdarǵa aq batasyn berdi.
Budan soń «Baldáýren» respýblıkalyq oqý-saýyqtyrý ortalyǵynyń bas dırektory Serjan Álibaev semınarǵa qatysýshylardy quttyqtasa, Ulttyq qundylyqtar akademııasynyń múshesi, mektepke deıingi «Negesh» ınnovasııalyq damytý kesheniniń avtory, sheber-pedagog, fızıka-astronomııa pániniń muǵalimi Erulan Jıenbaev «matematıka – ǵylymdardyń patshasy» ekenin aıryqsha atap ótti.
– Matematıkada bir ǵasyr buryn sheshimin ǵylymı jolmen tabý usynylǵan álemdegi eń kúrdeli 7 eseptiń birin sheship, dúnıejúzi matematıkterin moıyndatqan Muhtarbaı О́telbaevtyń qurmetine uıymdastyrylǵan semınardyń mazmuny zor. Álemge tanylǵan ǵalym aramyzda otyr. Ol kisiniń «Maǵan birinshi kezekte qazaqtyń qazaq bolǵany kerek. Meniń ǵalymdyǵym da, professorlyǵym da qazaqtyǵymnan sadaǵa. Aldymen qazaqpyn, musylmanmyn, sodan keıin ǵalymmyn. Men úshin ǵalymdyǵymnan buryn ata dástúrim mańyzdy» degen jalyndy sózin shákirtter sanasyna sińirgenimiz jón, – dedi ol.
Sheberlik synyptary men psıhologııalyq trenıngter, dóńgelek ústel túrinde uıymdastyrylǵan is-sharaǵa qatysýshy muǵalimder pánder boıynsha topqa bólinip, ǵalymdardyń baıandamalaryn tyńdap, dáris aldy. О́zderin tolǵandyryp júrgen máseleler tóńireginde pikir almasty. Qyzyqty taqyryptardy arqaý etken semınar-keńesti uıymdastyrýshylarǵa elimizdiń túkpir-túkpirinen kelgen ustazdar qaýymy alǵysyn jaýdyryp, az kúnde mol tájirıbe alǵandaryna rızashylyq bildirdi.
Is-shara sońynda tereń bilimimen tanylǵan mańǵystaýlyq Álibek Oraqov, qaraǵandylyq Aqnıet Ilııasov, soltústikqazaqstandyq Iýlııa Iаkovenko, fızıka páni boıynsha mańǵystaýlyq Almagúl Kópjasarova, ınformatıkadan jetisýlyq Gúlshat Qystaýbaeva erekshe belsendilik tanytyp, Oqý-aǵartý mınıstriniń Qurmet gramotasy jáne Alǵyshattarymen marapattaldy. Sonymen qatar semınarǵa qatysýshy eki jas maman Á.Oraqov pen A.Ilııasova «Baldáýren» oqý-saýyqtyrý ortalyǵynyń jazǵy aýysymynda demalýǵa joldama berildi.
Almaty oblysy
