Foto: ashyq derekkóz
Eske sala ketsek, bıyl Memlekettik kirister komıteti bank shottaryna kásipkerlik qyzmetpen baılanysty aqsha túsken azamattar týraly bankterden aqparat ala bastady.
«Kásipkerlik qyzmetti júzege asyrý belgilerin aıqyndaý ólshemsharty jeke tulǵanyń úsh aı qatarynan aı saıyn ár túrli tulǵalardan jeke banktik shotqa 100-den astam aýdarym alýy bolyp tabylady», dep túsindirdi komıtet baspasóz qyzmeti.
Aıta ketý kerek, bankterden aqparat kezeń-kezeńimen beriledi. Dálirek aıtqanda:
- 2023 jylǵy 1 qańtardan bastap – memlekettik qyzmetshilerge, olarǵa teńestirilgen tulǵalarǵa jáne olardyń jubaılaryna (2022 jyldyń qorytyndysy boıynsha);
- 2024 jylǵy 1 qańtardan bastap – memlekettik organdardyń, kvazımemlekettik sektor sýbektileriniń qyzmetkerlerine jáne olardyń jubaılaryna (2023 jyldyń qorytyndysy boıynsha);
- 2025 jylǵy 1 qańtardan bastap – dara kásipkerler, zańdy tulǵalardyń basshylary jáne olardyń jubaılary úshin (2024 jyldyń qorytyndysy boıynsha);
- 2026 jylǵy 1 qańtardan bastap – halyqtyń qalǵan bóligi úshin (2025 jyldyń qorytyndysy boıynsha).
Memlekettik kirister komıteti baqylaý sharalary adal salyq tóleýshilerge áser etpeıtinin jáne jasyryn kirister men tirkelmegen kásipkerlerdi anyqtaýǵa baǵyttalǵanyn atap ótti.
Bul rette jeke tulǵalar ózderiniń jeke maqsattary úshin (mysaly, týystaryna, dostaryna aqsha aýdarý, ata-analar men balalarǵa kómek kórsetý, sondaı-aq basqa da ómirlik jaǵdaılar úshin) mobıldi aýdarymdardy erkin júzege asyra alady.
