Komıtet tóraǵasy Sultanbek Mákejanov jalpyǵa birdeı deklarasııalaýdyń maqsaty – kóleńkeli ekonomıkamen kúresý úshin jeke tulǵalardyń kiristeri men múlkin baqylaýdyń tıimdi júıesin qurý, sondaı-aq salyq pen bıýdjetke tólenetin basqa da mindetti tólemderdi jınaýdy qamtamasyz etý ekenin atap ótti.
«Bizdiń mindetimiz – memlekettik organdardyń deklarasııalardy qabyldaýǵa jáne óńdeýge daıyndyq deńgeıin túsiný. Halyq úshin tabys pen múlikti deklarasııalaýdyń neǵurlym qolaıly tártibin qalyptastyrý men jasaýǵa qatysý. Memleket aldynda jalpyǵa birdeı deklarasııalaýǵa kóshý máselesi boıynsha halyqty keńinen habardar etý mindeti tur. Jalpyǵa birdeı deklarasııany iske asyrý Qarjy mınıstrliginiń ǵana problemasy emes. Basqa memlekettik organdar da osy proseske belsendi qatysýy tıis», dedi Sultanbek Mákejanov.
Qarjy mınıstriniń orynbasary Erjan Birjanov jalpyǵa birdeı deklarasııalaýdyń qalaı jáne qandaı ustanym boıynsha ótetini týraly aıtyp berdi. Sonymen qatar depýtattar sıfrlyq damý, ınnovasııalar jáne aeroǵarysh ónerkásibi mınıstriniń orynbasary Ashat Orazbektiń elimizdegi shalǵaı aýdandarǵa ınternet berý salasyndaǵy ahýal týraly aqparatyn tyńdady.
Senatorlar kezdesý barysynda orta arnaýly jáne joǵary oqý oryndarynda qarjy jáne salyq saýattylyǵyn arttyrý máselesin pysyqtaýdyń mańyzdylyǵyn atap ótti. Jergilikti atqarýshy organdar men HQKO jalpyǵa birdeı deklarasııalaýdy engizý boıynsha jumys júrgizýi tıis.
Sultanbek Mákejanov sharany qorytyndylaı kelip, senatorlar atynan múddeli memlekettik organdardyń atyna jiberiletin tıisti usynymdar ázirlenetinin atap ótti.
