Foto: ashyq derekkózden
Mıkrokredıt kásibin keńeıtemin nemese jańadan kásip bastaımyn dep nıet bildirgen jastarǵa beriledi.
2,5 paıyzben nesıe alýdyń óz tártibi bar. Mańyzdy sanattyń biri qatysýshylardyń «Agrarlyq nesıe korporasııasy» AQ-ǵa ótinimmen júgingen ýaqyttaǵy jasy eskeriledi.
«Kepilmen qamtamasyz etýdiń bolýy mindetti shart bolyp tabylady. Osy jyldyń 4 qyrkúıeginen bastap jastarǵa jyldyq 2,5% jeńildikpen mıkrokredıt berý úshin qabyldanatyn kepildi múlik túrleriniń tizbesi keńeıtilgen», dep jazdy Eńbek jáne halyqty áleýmettik qorǵaý mınıstrligi.
Sonymen, kepilmen qamtamasyz etý retinde qosymsha qabyldanady:
- ekinshi deńgeıdegi bankterdegi shottarda ornalastyrylǵan aqsha qarajaty;
- respýblıkalyq mańyzy bar qalalarda, oblystyq mańyzy bar qalalarda, aýdan ortalyqtarynda, oblystyq jáne aýdandyq baǵynystaǵy qalalarda, sondaı-aq aýyldarda jáne aýyldyq eldi mekenderde jyljymaıtyn múlik;
- jeke menshik quqyǵyndaǵy/bastapqy uzaq merzimdi óteýli jer paıdalaný (jalǵa alý) (egistik) quqyǵyndaǵy aýyl sharýashylyǵy maqsatyndaǵy jer ýchaskeleri;
- jaıylymdardy sýlandyrý jáne qorshaý ınfraqurylymy bar jer ýchaskeleri;
- baý-baqsha ósirýge arnalǵan jer ýchaskeleri;
- mamandandyrylǵan tehnıka.
Kepilmen qamtamasyz etý bolmaǵan jaǵdaıda kepil berýshini (ata-analaryn, týystaryn jáne t.b.) tartýǵa bolady.
О́tinim berý úshin qujattar paketin «Agrarlyq nesıe korporasııasy» AQ fılıalyna tapsyrý qajet.
Qajetti qujattar tizimi:
jeke basyn kýálandyratyn qujat;
joba boıynsha bıznes-jospar;
shottyń bolýy týraly qyzmet kórsetetin bankten anyqtama;
kredıttik bereshektiń, onyń ishinde qarjy uıymdarynan merzimi ótken bereshektiń bolýy týraly anyqtama (kredıtter bolǵan kezde);
qatysýshynyń/úmitkerdiń jalaqysyn jáne (nemese) ózge de tabystaryn rastaıtyn qujat (jınaqtaýshy zeınetaqy qorynan úzindi kóshirme) bolǵan kezde;
kepildi qamtamasyz etý retinde beriletin múlikti baǵalaý týraly esep;
kepil berýshi jáne kepilmen qamtamasyz etý jónindegi qujattar.
Mıkrokredıtter tómende kórsetilgen tizimdegilerdi qospaǵanda:
- turǵyn jyljymaıtyn múlikti (onyń ishinde malshylar úshin ýaqytsha/turaqty turǵyn úılerdi) satyp alý, salý nemese jóndeý, jer ýchaskelerin satyp alý (kez kelgen nysanaly maqsatpen);
- baǵaly qaǵazdardy satyp alý (portfeldik ınvestısııalar);
- qarýdy (onyń ishinde qarý óndirýge arnalǵan quramdas bólikterdi), quramynda esirtki bar zattardy nemese azamattyq aınalymnan alynǵan basqa da múlikti óndirý nemese satyp alý;
- oıyn bıznesin uıymdastyrý jáne (nemese) damytý;
- Qazaqstan Respýblıkasynyń zańnamasynda tyıym salynǵan terrorıstik jáne kez kelgen ózge de qyzmetke baılanysty qyzmet;
- motorly kólik quraldaryn shyǵarýdy jáne óz óndirisindegi júzimnen sharap óndirýdi, sondaı-aq temeki jáne\nemese alkogol ónimderin satyp alýdy kózdeıtin jobalar, aksızdeletin taýarlardy/ónimderdi shyǵarý;
- kredıtorlyq bereshekti óteý;
- bıznesti júrgizýge baılanysty emes jeke tutynýshylyq maqsattardan basqa kez kelgen maqsatqa beriledi.
Mıkrokredıtti berý-bermeý máselesin arnaıy komıssııa sheshedi. Ol úshin úmitkerler ózderiniń bıznes-jobalaryn tanystyryp, komıssııa aldynda qorǵaý kerek.
Bolashaq bıznes bastama jospary ózekti, dáleldi, ekonomıkalyq negizdelgen, qoǵamdyq mańyzy bar, ómirsheń bolýy tıis jobanyń pysyqtalýyn baǵalaýdyń naqty krıterııleri negizinde qabyldanady.
Qazirgi ýaqytta mıkrokredıtter alýǵa ótinimder barlyq oblystarmen qatar, Astana, Almaty jáne Shymkent qalalarynda qabyldanyp jatyr.
