«Golos naroda» basylymynyń jazýynsha, aımaqtaǵy polısııa departamenti 17 jeltoqsan kúni saǵat 12.00 shamasynda Rýdnyı qalasynda Korchagına kóshesinde ornalasqan úılerdiń biriniń janynan qoqys konteınerinen (polıetılen pakette) jańa týǵan náresteniń denesi tabylǵanyn málimdedi.
«Atalmysh fakti boıynsha QR Qylmystyq kodeksiniń 100-baby «Anasy jańa týǵan náresteni óltirý» boıynsha sotqa deıingi tergeý bastaldy.
Polıseıler qylmystyq quqyq buzýshylyqty jasaǵan adamdy anyqtaý úshin barlyq qajetti tergeý amaldary men jedel izdestirý sharalaryn júrgizip jatyr», - delingen habarlamada.
Osy qylmystyń kýágeri bolsa, polısııaǵa 52-60-22, 52-59-25 telefondary arqyly nemese 102 telefonyna habarlasýyn suraımyz.
