Energetıka mınıstri Almasadam Sátqalıev eldegi energetıka stansalarynyń 60%-y kúıreý jaǵdaıynda turǵanyn, olardy jańartyp, jańa stansalar salý úshin energııa tarıfin ósirý kerektigin aıtqan bolatyn. Onyń sózinshe, osy kezge deıin áleýmettik turaqtylyqty saqtap otyrý úshin jylý tarıfi tómen deńgeıde saqtalyp kelgen. Alaıda eldiń birqatar óńirinde bolǵan apattardan keıin jylý elektr stansalarynda jóndeý jumystaryn júrgizip, jańa stansalardy salý úshin qosymsha qarjylaı qoldaý qajettigi belgili bolǵan. Bul qoldaýdy ázirge memlekettik bıýdjet pen stansa ıeleri kórsetip otyr. Biraq ol – jetkiliksiz. Mınıstrdiń aıtýynsha, energetıkalyq ınfrastrýktýrany jaqsartýǵa baǵyttalǵan qadamdy tarıf baǵasyn kóterýden bastaý kerek.
Mınıstr tarıf baǵasy birden óspeıtinin, aldyn ala qoǵamdyq talqylaý bolyp, memlekettik qoldaýdy da eseptegennen keıin ǵana kompanııalardyń tarıfti ósirý ótinishteri qabyldanatynyn ashyp aıtty. Budan bólek, energetıka salasynda qyzmet etetin jumysshylardyń jalaqysy óte tómen. Olardyń jalaqysyn kóterý qazir eń joǵarǵy deńgeıde talqylanyp jatyr.
Bul shara shekti tarıf elektr stansasynyń jumysyn qamtamasyz ete almaýyna əkelýi múmkin. «Atameken» UKP mamandary Energetıka mınıstrligine sarapshylyq qorytyndyny joldady. Onda buıryq jobasyn qaıta qaraý jəne oǵan ózgerister engizý jəne «Batys Paýer» JShS úshin elektr energııasyna shekti tarıfterdi qolaıly deńgeıde belgileý qajettigi jazylǵan.
«Atameken» UKP energetıka jəne turǵyn úı-kommýnaldyq sharýashylyq departamentiniń dırektory Jaqyp Haırýshevtiń aıtýynsha, quramyna Atyraý, Batys Qazaqstan, Mańǵystaý oblystary kiretin batys óńirdiń Qazaqstannyń Biryńǵaı elektr energetıkalyq júıesimen elektr baılanysy joq. Osyǵan baılanysty tapshylyq týyndaǵan jaǵdaıda óńirdiń elektr energııasyna degen qajettiligi Reseıden ımport esebinen qamtylady. «Qazirgi jaǵdaıda Oral GTES-200 kəsipornynyń odan əri jumys isteýine qaýip tónip turǵanyna alańdaýshylyq bar. Stansa qurylǵannan bastap batys óńirdi barynsha elektr energııasymen qamtamasyz etti jəne elektrmen jabdyqtaýdyń senimdiligi men Reseı Federasııasynyń elektr júıesinen təýelsizdigin saqtap qaldy», dedi J.Haırýshev.
Spıker Ulttyq palata Energetıka mınıstrligine məseleni sheshýde «Batys Paýer» JShS-ǵa kómek kórsetýdi usynǵanyn aıtty. Nətıjesinde, Energetıka mınıstrligi usynyspen kelisip, tarıfti qolaıly deńgeıde bekitti. «Ədil tarıf belgileý məselesi boıynsha «Atameken» UKP-men birlesken jumys arqyly búginde stansanyń jumysy jańadan bekitilgen tarıfpen tıimdi bolyp, kompanııadaǵy qarjylyq jaǵdaıdy turaqtandyrýǵa múmkindik beredi.
«Oral GTES-200» stansasynyń turaqty jumysy óz kezeginde jalpy elektr energetıkasy salasyna jaǵymdy əser etedi. О́ıtkeni Reseı Federasııasynan elektr energııasyn satyp alý kólemin azaıtýǵa múmkindik beredi», dedi «Batys Paýer» JShS bas dırektory Marına Balashova.
О́z kezeginde «Atameken» UKP mamandary elektr energetıkasy salasyndaǵy zańnamanyń jetilmegeni sózsiz normatıvtik quqyqtyq aktilerge tezirek ózgerister engizýdi talap etetinin alǵa tartty. О́ıtkeni elektr energetıkasy – tutastaı alǵanda memlekettiń ekonomıkasyna úlken əser etetin asa mańyzdy ınfraqurylymdardyń biri.
