Kelesi jyly jumys kúnderi aýystyrylmaıdy. Bes kún jumys isteıtinderge arnalǵan kúntizbe: Jańa jylda demalys az aı - sáýir, bul aıda 22 kún jumys, 8 kún demalys bolady. Odan keıin aqpan, bul joly aqpanda 29 kún bolady, onyń ishinde 8 kún demalys, biraq 21 jumys kúni bar.
Qazaqstandyqtar naýryzda az jumys isteıdi. Bul aıda barlyǵy 17 jumys kúni jáne 14 demalys kúni bolady.
2024 jylǵy eń uzaq demalys qańtar jáne naýryz aılarynda bolady. Jańa jylǵa oraı 2023 jylǵy 30 jáne 31 jeltoqsandy qosqanda, 4 kún demalys bolady. Naýryzda Halyqaralyq áıelder kúnine oraı qatarynan 3 demalys kún jáne Naýryz merekesine oraı 5 demalys kún bolady.
Shamamen 16 maýsymda (naqty kúnin Eńbek jáne halyqty áleýmettik qorǵaý mınıstrligi áli bekitpegen - esk.) qazaqstandyqtar Qurban aıtty toılaıdy. Qurban aıt jáne pravoslavıelik Rojdestvo sııaqty dinı merekeler Qazaqstanda demalys kúnderi sanalady, biraq bul eki kún de jańa jylda jeksenbige sáıkes keledi.
Shildede Astana kúni demalys kúnine sáıkes kelýine oraı 3 demalys kúni kútiledi. Tamyz aıynda da Konstıtýsııa kúnine oraı 3 demalys kúni bolady. Al qazan aıynda Respýblıka kúnine oraı 3 kún, jeltoqsanda Táýelsizdik kúnine oraı 3 kún demalys bolady.
