Foto: bassport.kz
Bıylǵy jyly elimizdiń sportshylary tórt jylda bir márte ótetin jazǵy Azııa oıyndaryna qatysty. Biraq boksshylarǵa altyn medal buıyrǵan joq. Keı salmaq dárejesinde tóreshilerdiń bura tartyp, sportshylarymyzdy qarsylasyna jyǵyp berýi qoǵamda qyzý talqylandy.
«Mundaı qysymnyń talaıyn ótkerdik, áli de kezigedi. Tek buǵan shydaǵan, qasqaıyp qarsy turǵandar ǵana degenine jetedi. Mysaly Serik Sápıev. 2006 jyly Qatar eliniń bas qalasy Dohada ótken jazǵy Azııa oıyndarynda Serik jeńilgen joq, tóreshiler qarsylasyna kópe-kórneý jyǵyp berdi. 2008 jyly Beıjiń jazǵy Olımpıadasynda da Sápıevti tóreshiler súrindirdi. Ol óziniń minezi men ólsheýsiz eńbeginiń arqasynda myqtylyǵyn kúlli álemge dáleldep, 2012 jyly London jazǵy Olımpıadasynda chempıon atandy. Sondyqtan da synaqqa synyp ketpeý kerek», dedi ulttyq quramanyń bas bapkeri.
M.Aıtjanov jeńilistiń bárin tóreshilerge jaba berýge de bolmaıtynyn, shyn myqtyǵa tusaý joq ekenin aıqyndaý úshin ulttyq qurama boksshylaryn barynsha kúsh salyp baptaıtynyn aıtty.
