Foto: UQK baspasóz qyzmeti
Komıtet ókilderi habarlaǵandaı, tergeý áreketteri barysynda kúdiktiniń turǵylyqty jeri boıynsha dinı ádebıetter tárkilendi.
Qylmystyq kodekstiń 256-baby 2-bóligi boıynsha sotqa deıingi tergep-tekserý júrgizilip jatyr.
«Buryn ustalǵan adamǵa qylmystyq qýdalaýǵa ákep soǵýy múmkin zańsyz áreketterge jol bermeýi týraly birneshe ret eskertilgen. Oǵan resmı saqtandyrý jarııalanǵan. Aldyn alý sharalaryna qaramastan, ol qylmystyq áreketin jalǵastyrdy», delingen resmı habarlamada.
Qylmystyq-prosestik kodekstiń 201-babynyń 1-bóligine sáıkes ózge aqparat jarııa etýge jatpaıdy.
«Ulttyq qaýipsizdik komıteti áleýmettik jelilerde taratylatyn radıkaldy ıdeologııanyń, ásirese jastarǵa destrýktıvti áser etý qaýpin eske salady. Ekstremıstik mazmundaǵy Internet-resýrstaryna kirýden bas tartýdy, al ata-analarǵa balalardyń radıkaldy saıttarǵa degen qyzyǵýshylyǵyna jaýapkershilikpen den qoıýdy usynady», dep qosty UQK baspasóz qyzmeti.
