Jedel járdem kólikten taryqpaıdy

Bul aqjoltaı jańalyqty, ási­rese oblys ortalyǵynan alys­ta ornalasqan aýyl turǵyndary qýa­nyshpen qabyl­dady. О́ńirdegi medısına áleýetin arttyrý maqsatynda bıýdjetten 750 mln teńge shamasynda qarjy bólingen. Osy oraıda arnaıy saltanatty is-shara ótip, oblys ákimi Beıbit Isabaev avtokólik kiltterin dárigerlerge tapsyrdy.

On úsh aýdandyq jáne oblys­­­tyq aýrýhanaǵa, sondaı-aq kar­dıo­logııalyq ortalyqqa, kóp­sa­laly balalar aýrýhanasyna, psı­hıkalyq densaýlyq ortalyǵyna bar­lyǵy 29 avtokólik berildi. Bul sanıtar­lyq avtokólik ottegi bal­londary­men, ottegi qysymyn ret­tegishtermen, ınfýzııalyq jú­ıe­ge arnalǵan kronshteınderi bar leer-tutqalarmen, qoldy dezın­fek­sııa­laýǵa arnalǵan dıspenserlermen, rolıkti arbalarmen jáne basqa da qajetti zattarmen jabdyqtalǵan.

О́ńir basshysy Beıbit Isabaev den­saýlyq saqtaý mekemeleriniń basshy­lary­na avtokólikterdiń kiltterin tap­­syrý rásiminde sóılegen sózinde halyq­­tyń densaýlyǵyn nyǵaıtý, medı­sına­lyq qyzmetterdiń sapa­syn arttyrý Mem­leket basshysy­nyń at­qarýshy or­gan­dardyń aldyna qoıǵan bas­ty min­det­teriniń biri ekenin atap ótti.

«Ulttyń saýlyǵy – memle­kettiń saýlyǵy. Sondyqtan bul máselege biz turaqty nazar aýda­­ryp, árdaıym qoldaý kór­se­tip kelemiz. Atap aıt­qanda, medı­sınalyq nysandar salýǵa, arnaıy qural-jabdyqtar sa­typ alý­ǵa, kadrlardy oqytýǵa qo­maq­ty qarajat jumsalyp ke­ledi. Bıyl jergilikti bıýdjet ese­binen 3,6 mlrd teńgege medı­sı­na­lyq jabdyqtar satyp alynyp, jab­­dyqtalý kórsetkishi 93%-ǵa jet­­kizildi. О́tken jyly bul kór­set­kish 87 paıyz bolǵan. Sondaı-aq me­dı­sınada kadr tapshylyǵy prob­lemasyn sheshý úshin kelesi jyl­dan bastap óńirge kelgen ma­man­darǵa 5 mln teńgeden 10 mln teń­ge­ge de­ıingi mólsherde birjolǵy mate­rıaldyq kómek kórsetiletin bolady», dedi B.Isabaev.

О́ńir ákimi baspasóz qyzme­tiniń málimetinshe, jedel jáne shu­ǵyl medısınalyq kómek kórsetý jáne medısınalyq qyzmetterdiń sapasyn odan ári arttyrý úshin Jetisý oblysynda 67 jedel járdem brıgadasy jasaqtalǵan (normatıv – 10 myń turǵynǵa 1 brıgada). Shalǵaı aýdandarda «103» brıgadalary­nyń ýaqtyly jetýi úshin qosymsha 12 dıslokasııa quryldy. «103» biryńǵaı dıspetcherlik qyzmeti» uıymdastyryldy. Ol oblystyń túkpir-túkpirinen qońyraý qa­byldaıdy. Táýlik ishinde kelip túsetin ótinish sany 2 myńǵa deıin barady. Sondaı-aq «103» biryńǵaı kezekshi dıspetcherlik qyzmetiniń bazasynda táýlik boıy jumys isteıtin Sall-ortalyq bar. Onda halyqqa joǵary bilikti medısına qyzmetkerleri keńes beredi.

Aıta keteıik, bıyl «Jedel jár­dem» áleýmettik-qaıyrymdylyq jobasy aıasynda qaıtarymsyz ne­gizde «Samruk-Kazyna Trust» kor­poratıvtik qorynyń qoldaýymen óńir­diń 5 aýdandyq aýrýhanasyna «JAC Sunray 6C» markaly jedel járdem kóligi berilgen bolatyn. Búgin oblystyq jedel járdem avto­­parki bıýdjet qarajaty ese­binen satyp alynǵan taǵy 29 jańa avto­kólikpen tolyǵyp otyr.

Osy rette aıta keteıik, ja­qyn­da Alakól aýdanynyń Baızerek, Qarlyǵash, Yntaly, Qamysqala ­aýyldarynda blokti-modýldik me­­dı­­sınalyq ǵımarattar halyq ıgi­ligine berildi. Aýdan ortaly­ǵy­nan shalǵaı jatqan bul aýyl tur­ǵyndary endi burynǵy eski ǵıma­rat­tyń ornyna jańa feldsherlik-akýsherlik pýnktte em alady.

Alakól aýdandyq ákimdiginiń málimetinshe, Qamysqala aýly ­aýdan ortalyǵynan 60 shaqyrym qa­shyqtyqta ornalasqan. Qamysqa­la aýyldyq okrýginde 840 adam tura­dy. Bul aýylda qoldanysta bolǵan dárigerlik ambýlatorııa 1978 jyly salynǵan, kezinde ba­lyq zaýytyna qarasty ǵımarat edi. Aýyl turǵyndarynyń sapaly medısınalyq em alýyna jaǵdaı jasaý maqsatynda jańa nysannyń qurylysyna jergilikti bıýdjetten 143 mln teńge bólinip, FAP tur­ǵyzyldy. Nysandy «Golden Stroı» JShS merdiger kompanııa­sy saldy. Ondaǵy arnaıy ból­meler qajetti quraldarmen jab­dyq­talǵan. Medısınalyq mekeme bir aýysymda 15 emdelýshige medı­sınalyq kómek kórsete alady.

Burynǵy ǵımaratymyz tıisti talaptarǵa sáıkes kelmeıtindik­ten, em jasaýda qolaısyzdyq týdy­ratyn. Materıaldyq-tehnıka­lyq bazasy da tozyp turǵan. Endi, mine, zaman talabyna saı sapaly dári­ger­lik kómek kórsetýge laıyqtal­ǵan feld­sherlik pýnkt ashyl­dy. Munda qazir jumysshylardy qospaǵanda 4 bilik­ti maman – bir feldsher, bir aký­sher, eki med­bıke qyzmet kórsetedi», deı­di aýdan­dyq ortalyq aýrýhana dırektory Ashat Butabaev.

Onyń aıtýynsha, munda aýyl turǵyndary alǵashqy medısına­lyq-sanıtarlyq kómek, ekpe ek­ti­rý, skrınıng, akýsherlik jáne EKG apparatyna júrek qaǵysyn teksertý sekildi qyzmetter bo­ıyn­­sha em-dom ala alady. Oǵan qo­sa aýdandyq orta­lyq aýrýhana­dan arnaıy bilikti mamandar bel­gilengen kestege sáı­kes aýylǵa ke­lip, turǵyndardyń densaýlyǵyn qaraıdy.

Qamysqalalyqtar bul jaıdarman jańalyqty qýana qabyl­da­dy. Aýyldyq analar keńesiniń tór­aǵasy Raýshan Jumanqulova: «Aýlymyzda feldsherlik-aký­sher­lik pýnkt salynǵanyna rızamyz. Buryn kishkentaı ǵana eski ǵı­marattyń ózin joqtan bar dep kóńilge medet tutatynbyz. Búgin jap-jańa, eńseli medısınalyq ny­san kóptiń ıgiligine berilip otyr. Ǵımarattyń ashylýyna úles qos­qan barsha azamatqa alǵysymyz shek­siz», dep qýanyshyn jetkizdi.

Alakól aýdanynda 56 eldi me­kende 75 myńǵa jýyq halyq bar. Olarǵa qoljetimdi ári sapaly medısınalyq qyzmet kórsetý úshin 2024 jyly Ekpindi, Jaıpaq, Qaınar aýyldaryna feldsher­lik-akýsherlik pýnkt salý, 5 eldi mekende blokti-mo­dýldi nysandar salý josparlanyp otyr.

Jetisý oblysy